റാന്നി: അങ്ങാടി പഞ്ചായത്ത് പരിധിയിൽ വലിയകാവ് കേന്ദ്രമായി ആരംഭിക്കുന്ന എവർഗ്രീൻ കയർ വ്യവസായ സഹകരണ സംഘം നേതൃത്തിൽ കയർ ബോർഡ് സഹകരണത്തോടെയുള്ള ദ്വിദിന ശില്പശാലയ്ക്ക് റാന്നി വളയനാട്ട് ഓഡിറ്റോറിയത്തിൽ ഇന്ന് തുടക്കമാവും. രാവിലെ 10.30ന് എം.പി. ആന്റോ ആന്റോണി ഉദ്ഘാടനം ചെയ്യും. കയർബോർഡ് എക്സ്റ്റൻഷൻ ഓഫീസർ വി.സുധീർ അദ്ധ്യക്ഷത വഹിക്കുന്ന സമ്മേളനത്തിൽ മുൻ എം.എൽ.എ രാജു ഏബ്രഹാം റാന്നിയിലെ കയർ വ്യവസായി ഹരിയെ ആദരിക്കും. പഞ്ചായത്ത് പ്രസിഡന്റ് ബിന്ദു റെജി മുഖ്യ പ്രഭാഷണവും നടത്തും. ത്രിതല പഞ്ചായത്ത് അംഗങ്ങളായ ജെസി അലക്സ്, സുജ ബിനോയി, പി.എസ്.സതീഷ് കുമാർ, കയർബോർഡ് ഓഫീസർമാരായ ബി.സുനിൽകുമാർ, എസ്.ലാലൻ എന്നിവർ സംസാരിക്കും. രണ്ട് ദിവങ്ങളായി നീളുന്ന ശില്പശാലയിൽ കയർ ബോർഡിന്റെ സേവന പദ്ധതികൾ, അനുബന്ധ വ്യവസായങ്ങൾ എന്നിവയിൽ വിദഗ്ദർ ക്ളാസെടുക്കും. പ്രോഗ്രാം കോ .ഓർഡിനേറ്റർ പി.എസ്.സതീഷ് കുമാർ അറിയിച്ചു. 13ന് ആലപ്പുഴ കലവൂരിലെ കയർ മ്യൂസിയത്തിലേക്ക് പഠനയാത്രയും നടത്തും.