റാന്നി: സ്കൂളുകൾ തുറക്കുന്നതിന്റെ ഭാഗമായി ചാത്തന്തറ ഗവൺമെന്റ് എൽ.പി സ്കൂളും പരിസരവും വെച്ചൂച്ചിറ പൊലീസിന്റെ നേതൃത്വത്തിൽ വൃത്തിയാക്കി. ജില്ലാ പൊലീസിന്റെ വീണ്ടും വസന്തം പദ്ധതിയുടെ ഭാഗമായി ജില്ലയിലെ മുഴുവൻ സ്റ്റേഷൻ പരിധിയിലുമുള്ള സ്കൂൾ പരിസരങ്ങളും മറ്റും വൃത്തിയാക്കി നൽകുന്നതിന്റെ ഭാഗമായിട്ടാണ് ഞാറാഴ്ച എസ്.ഐ അഷ്‌റഫ്‌പി.എച്ചിന്റെ നേതൃത്വത്തിൽ പത്തോളം പൊലീസുകാർ ചേർന്ന് സ്കൂളും പരിസരവും വൃത്തിയാക്കിയത്. ഒക്ടോബർ രണ്ടിന് വാറ്റുകുന്ന് എൽ.പി സ്കൂളും പരിസരവും സമാനമായ രീതിയിൽ വെച്ചൂച്ചിറ പൊലീസ് വൃത്തിയാക്കി നൽകിയിരുന്നു. എ.എസ്.ഐ അച്ഛൻ കുഞ്ഞ്, സി.പി.ഒ മാരായ സാംസൺ , ശ്യം , ജോസൺ, വനിതാ പൊലീസ് ആശ,വാർഡ് മെമ്പർ നിഷ അലക്സ്‌, ജനമൈത്രി വോളന്റിയർ മാരായ ബിനോജ്, യെദു, ജോമിൻ എന്നിവരും സംഘത്തിലുണ്ടായിരുന്നു. റാന്നി ഡി.വൈ.എസ്. പി മാത്യു ജോർജ് സ്ഥലം സന്ദർശിച്ചു. പൊലീസുകാർക്ക് വേണ്ട നിർദേശങ്ങൾ നൽകി.സ്കൂൾ എച്ച്.എം സജീവ്,പി.ടി.എ ഭാരവാഹികൾ എന്നിവർ പൊലീസ് ഉദ്യോഗസ്ഥർക്ക് നന്ദി അറിയിച്ചു. പി.ടി.എ ഭാരവാഹികൾ , സ്കൂൾ സ്റ്റാഫ് എന്നിവരും ശുചീകരണത്തിൽ പങ്കാളികളായി.