കോഴഞ്ചേരി: ജില്ലയിലെ മുഴുവൻ പഞ്ചായത്തുകളിലും കോൺഗ്രസ് യൂണിറ്റ് കമ്മിറ്റികൾ നിലവിൽവരുമെന്ന് ഡി.സി.സി പ്രസിഡന്റ് പ്രൊഫ. സതീഷ് കൊച്ചുപറമ്പിൽ പറഞ്ഞു.
കോൺഗ്രസ് യൂണിറ്റ് കമ്മിറ്റികളുടെ ജില്ലാ റിസോഴ്‌സ് പേഴ്‌സൺമാർക്കുള്ള ദ്വിദിന ശിൽപ്പശാല മാരാമൺ റീട്രീറ്റ് സെന്ററിൽ ഉദ്ഘാടനം ചെയ്യുകയായിരുന്നു അദ്ദേഹം.
മുൻ ഡി.സി.സി പ്രസിഡന്റ് പി. മോഹൻരാജ്, ഡി.സി.സി ജനറൽ സെക്രട്ടറി സാമുവൽ കിഴക്കുപുറം, ജില്ലാ കോ ഓർഡിനേറ്റർമാരായ അഡ്വ.എ. സുരേഷ് കുമാർ, അഡ്വ. വെട്ടൂർ ജ്യോതിപ്രസാദ്, സലിം പി. ചാക്കോ, തുടങ്ങിയവർ പ്രസംഗിച്ചു.
സംസ്ഥാന റിസോഴ്‌സ് പേഴ്‌സൺ ശംഭുലാൽ, ജില്ലാ റിസോഴ്‌സ് പേഴ്‌സൺമാരായ സതീഷ് പഴകുളം, ചെറിയാൻ ചെന്നീർക്കര, ഡോ. അജിത്ത് അയിരൂർ, ഹരികുമാർ, ഷൈലു എസ്, ജോയമ്മ സൈമൺ എന്നിവർ ക്ളാസെടുത്തു.