കർത്തവ്യം : തെക്കേമല - തുമ്പമൺ റോഡിന്റെ ശോചനീയ അവസ്ഥ പരിഹരിക്കണമെന്ന് ആവശ്യപ്പെട്ട് യൂത്ത് കോൺഗ്രസ് മണ്ഡലം കമ്മിറ്റി പ്രതിഷേധയോഗം നടത്തി. കെട്ടിക്കിടന്ന വെള്ളത്തിൽ താറാവിനെ ഇറക്കിയായിരുന്നു പ്രതിഷേധം. യൂത്ത് കോൺഗ്രസ് മണ്ഡലം പ്രസിഡന്റ് ജിതിൻരാജ് അദ്ധ്യക്ഷത വഹിച്ചു. യൂത്ത് കോൺഗ്രസ് നിയോജക മണ്ഡലം പ്രസിഡന്റ് അഫ്‌സൽ വി. ഷെയ്ഖ് ഉദ്ഘാടനം ചെയ്തു. നിയോജക മണ്ഡലം വൈസ് പ്രസിഡന്റ് റെന്നി രാജു, ഡി.സി.സി അംഗം ജേക്കബ് ശാമുവേൽ, കെ.എസ്.യു. ജില്ലാ കൺവീനർ ജോമി വർഗീസ് , വൈസ് പ്രസിഡന്റമാരായ ടെറിൻ ജോർജ്, ജസ്റ്റിൻ കൊയ്കലേത്തു, നെല്ലിക്കാല ബൂത്ത് പ്രസിഡന്റ് അച്ചൻകുഞ്ഞ് മലേകുഴി എന്നിവർ പ്രസംഗിച്ചു. സുജ കർത്തവ്യം, ഷിലിൻ മറിയം ജോസഫ്, അനിൽ കുഴിക്കാലാ, ആന്റോ വർഗീസ്, ലിബിൻ, ബിജു പ്ലാൻകൂട്ടത്തിൽ എന്നിവർ നേതൃത്വം നൽകി.