ചെങ്ങന്നൂർ: കൊവിഡ് മഹാമാരിയുടെ പ്രതികൂല സാഹചര്യങ്ങളിൽ സംഘടനാ പ്രവർത്തനം കാര്യക്ഷമമാക്കുന്നതിന് എസ്.എൻ.ഡി.പി യോഗം ചെങ്ങന്നൂർ യൂണിയൻ നടപ്പിലാക്കുന്ന 'കർമ്മനിരതപ്രവർത്തനം.. മന്നേറാൻ സംഘടന' പദ്ധതിയുടെ നാലാമത് സംയുക്തയോഗം 24ന് ഉച്ചയ്ക്ക് 2 ന് 2863-ാം നമ്പർ പാറപ്പാട് ശാഖയിൽ നടക്കും. യൂണിയൻ കൺവീനർ അനിൽ പി. ശ്രീരംഗം ഉദ്ഘാടനം ചെയ്യും. യൂണിയൻ അഡ്.കമ്മിറ്റി അംഗം കെ.ആർ. മോഹനന്റെ അദ്ധ്യക്ഷതയിൽ അഡ്. കമ്മിറ്റി അംഗങ്ങളായ അനിൽ അമ്പാടി, എസ്. ദേവരാജൻ, മോഹനൻ കൊഴുവല്ലൂർ, എം.പി.സുരേഷ്, ബി. ജയപ്രകാശ് തൊട്ടാവാടി എന്നിവർ പ്രസംഗിക്കും. ദീർഘകാലം ചെങ്ങന്നൂർ യൂണിയനിൽ വൈസ് പ്രസിഡന്റായിരുന്ന അഡ്വ.പി.എൻ. വേണുഗോപാൽ, പാറപ്പാട് മുൻ ശാഖാ പ്രസിഡന്റുമാരായിരുന്ന തെക്കേപ്പറമ്പിൽ പി.കെ. ശശിധരൻ, വിനോദ് ഭവനത്തിൽ റ്റി.കെ. സോമനാഥൻ എന്നിവർക്ക് യൂണിയന്റെ വക ആദരവും ഉപഹാര സമർപ്പണവും ചടങ്ങിൽ നൽകും . വനിതാസംഘം, യൂത്ത്മൂവ്‌മെന്റ്, സൈബർസേന, ധർമ്മസേന യൂണിയൻ നേതാക്കൾ പങ്കെടുക്കും. ശാഖാ പ്രസിഡന്റ് അഡ്വ. കെ.വി. ജയപ്രകാശ് സ്വാഗതവും ശാഖാ സെക്രട്ടറി പി.ആർ. ഉത്തമൻ നന്ദിയും പറയും.