ചെ​ങ്ങന്നൂർ : ആത്മീയതയുടെയും ഭൗതികതയുടെയും സമന്വയമാണ് എസ്.എൻ.ഡി.പിയോഗമെന്ന് ശ്രീനാരായണ വൈദിക സമിതി സംസ്ഥാന ജനറൽ സെക്രട്ടറി പി.വി.ഷാജി ശാന്തി പറഞ്ഞു. ചെങ്ങന്നൂർ യൂണിയന്റെ ആഭിമുഖ്യത്തിൽ യൂണിയൻ അതിർത്തിയിലെ ഗുരുമന്ദിരങ്ങളിലെയും ഗുരുക്ഷേത്രങ്ങളിലെയും ശാന്തിക്കാരെ പങ്കെടുപ്പിച്ചുകൊണ്ടുള്ള യോഗം ഉദ്ഘാടനം ചെയ്യുകയായിരുന്നു അദ്ദേഹം. ശിവഗിരിമഠം ശ്രീനാരായണ പ്രസാദ് തന്ത്രികൾ അനുഗ്രഹ പ്രഭാഷണം നടത്തി. ചെങ്ങന്നൂർ യൂണിയൻ കൺവീനർ അനിൽ പി.ശ്രീരംഗം അദ്ധ്യക്ഷത വഹിച്ചു. വല്ലന മോഹനൻ തന്ത്രി, സുജിത് തന്ത്രി, രഞ്ചു അനന്തഭദ്ര തന്ത്രി, യൂണിയൻ അഡ്.കമ്മിറ്റി അംഗങ്ങളായ അനിൽ അമ്പാടി, ബി.ജയപ്രകാശ് തൊട്ടാവാടി, മോഹനൻ കൊഴുവല്ലൂർ എന്നിവർ സംസാരിച്ചു. ചിത്രൻ ശാന്തികൾ, ഷാജി ശാന്തി ചിങ്ങവനം, ജനിൽ ശാന്തികൾ, ഷിബു തന്ത്രികൾ, സുജിത്ത് ശാന്തി, വനിതാസംഘം യൂണിയൻ പ്രസിഡന്റ് ഐഷാ പുരുഷോത്തമൻ, വൈസ് പ്രസിഡന്റ് ശ്രീകുമരി ഷാജി, സെക്രട്ടറി റീന അനിൽ എന്നിവർ പങ്കെടുത്തു. യൂണിയൻ അഡ്.കമ്മറ്റി അംഗം കെ.ആർ.മോഹനൻ സ്വാഗതവും സൈജു ശാന്തി നന്ദിയും പറഞ്ഞു. ശ്രീനാരായണ വൈദികയോഗം ചെങ്ങന്നൂർ യൂണിയൻ അഡ്.ഹോക്ക് കമ്മറ്റി ഭാരവാഹികളായി സൈജു ശാന്തി (ചെയർമാൻ), സജിത്ത് ശാന്തി (വൈസ് ചെയർമാൻ), ജയദേവൻ ശാന്തി (കൺവീനർ), സതീഷ് ബാബു (ജോ.കൺവീനർ) എന്നിവരടങ്ങുന്ന പതിനൊന്ന് അംഗം കമ്മിറ്റി രൂപീകരിച്ചു.