തിരുവല്ല: ശക്തമായ കാറ്റിലും മഴയിലും കുറ്റൂരിൽ വ്യാപക നാശം വിതച്ചു. വാഴകൾ വ്യാപകമായി ഒടിഞ്ഞുവീണു. ബുധനാഴ്ച വൈകിട്ടോടെയാണ് കനത്ത കാറ്റിനൊപ്പം മഴയെത്തിയത്. എട്ടാം വാർഡിൽ തോപ്പിൽ ടി.ആർ. രഘുനാഥൻ നായരുടെ മുന്നൂറോളം കുലച്ച വാഴകൾ കാറ്റിൽ ഒടിഞ്ഞുവീണു. ശിവശ്രീയിൽ ശ്രീലതയുടെ വീടിന് മുകളിൽ പ്ലാവ് കടപുഴകി വീണു. നിരവധിപ്പേരുടെ പുരയിടങ്ങളിൽ നിന്ന വാഴകൾ ഒടിഞ്ഞിട്ടുണ്ട്. വെള്ളപ്പൊക്കത്തിൽ നാശമുണ്ടാക്കാതെ നിന്നിരുന്ന വാഴകളാണ് കാറ്റെടുത്തത്. കർഷകർക്ക് ഇരട്ടി നഷ്ടമാണ് ഉണ്ടായിരിക്കുന്നത്.