തെങ്ങമം: കടമ്പനാട് പഞ്ചായത്തിലെ കേരഗ്രാമം പദ്ധതി ഇന്ന് വൈകിട്ട് 5 ന് മന്ത്രി സജി ചെറിയാൻ ഉദ്ഘാടനം ചെയ്യുമെന്ന് പ്രസിഡന്റ് പ്രിയങ്കാ പ്രതാപ് അറിയിച്ചു. 8000 തെങ്ങിൻ തൈകളാണ് വിതരണംചെയ്യുന്നത്. ഒരു വീട്ടിൽ ഒരു തെങ്ങിൻ തൈ വീതമാണ് നൽകുക. വാർഡ് മെമ്പർമാരുടെ നേതൃത്വത്തിൽ ഓരോ വാർഡിലുമാണ് വിതരണം നടത്തുക. നാടൻ കുള്ളൻ തെങ്ങിൻ തൈകളാണ് നൽകുന്നത്. ഒരു തെങ്ങിൻ തൈയ്ക്ക് 200 രൂപയാണ് വില. 150 രൂപ പഞ്ചായത്ത് ഫണ്ടിൽ നിന്നും 50 രൂപഗുണഭോക്‌തൃ വിഹിതവും ആണ് . കേരളാ അഗ്രോ ഇന്റെസ്ട്രയിൽ കോർപ്പറേഷനിൽ നിന്നുമാണ് തെങ്ങിൻ തൈകൾ വാങ്ങിയത്. ഡെപ്യൂട്ടി സ്പീക്കർ ചിറ്റയം ഗോപകുമാർ അദ്ധ്യക്ഷത വഹിക്കും.