കൊട്ടാരക്കര : മഹാത്മാ ഗാന്ധിയുടെ 152-ാം ജയന്തി ആഘോഷം ഗുരുധർമ്മ പ്രചാരണ സംഘത്തിന്റെയും വിവിധ പിന്നാക്ക ദളിത് സംഘടനകളുടെയും സംയുക്താഭിമുഖ്യത്തിൽ മദ്യ മയക്കുമരുന്നു വിരുദ്ധ ദിനമായി ആചരിക്കും. ഇന്ന് സംസ്ഥാനത്തെ വിവിധ ദളിത് കോളനികൾ കേന്ദ്രീകരിച്ച് ലഹരി വിരുദ്ധ സമ്മേളനങ്ങൾ, ശ്രമദാനം, ലഹരി വിരുദ്ധ പ്രതിജ്ഞ ,ബോധവത്കരണ ക്യാമ്പുകൾ എന്നീ പരിപാടികൾ നടത്തും. കോട്ടാത്തല തലയിണവിള അങ്കണത്തിൽ രാവിലെ 11ന് നടക്കുന്ന സർവമത പ്രാർത്ഥനാ സംഗമം സംഘം സംസ്ഥാന ജനറൽ സെക്രട്ടറി ബി.സ്വാമിനാഥൻ ഉദ്ഘാടനം ചെയ്യും. വനിതാ വിഭാഗം കൺവീനർ ശാന്തിനി കുമാരൻ അദ്ധ്യക്ഷത വഹിക്കും. ഉച്ചക്ക് 2ന് നടക്കുന്ന ജയന്തി സമ്മേളനം ജില്ലാ പഞ്ചായത്ത് അംഗം

ആർ. രശ്മി ഉദ്ഘാടനം ചെയ്യും. സംഘം സംസ്ഥാന ചെയർമാൻ എഴുകോൺ രാജ്മോഹൻ അദ്ധ്യക്ഷത വഹിക്കും. ആർ.എസ്.പി ജില്ലാ സെക്രട്ടറി കെ.എസ്. വേണുഗോപാൽ ലഹരിവിരുദ്ധ പ്രതിജ്ഞ ചൊല്ലിക്കൊടുക്കും.