ഓ​ച്ചി​റ: വോളിബാൾ കോർട്ടിലെന്ന പോലെ, ജീവിതത്തിൽ അർബുദത്തോടു പൊരുതി നിൽക്കുകയും ഒടുവിൽ മരണത്തിന് കീഴടങ്ങുകയും ചെയ്ത പരിശീലകൻ മാത്യൂസിന്റെ നേട്ടങ്ങളിൽ ഇനി ഡോക്ടറേറ്റുമുണ്ടാവും. 2019 ആഗസ്റ്റ് ഏഴിന് മാത്യൂസ് സമർപ്പിച്ച പ്രബന്ധത്തിനാണ് മരണാനന്തര ബഹുമതിയെന്നോണം എം.ജി യൂണിവേഴ്സിറ്റിയിൽ നിന്ന് ഡോക്ടറേറ്റ് ലഭിച്ചത്. ആഗസ്റ്റ് 18നായിരുന്നു അന്ത്യം.

നി​ര​വ​ധി വർ​ഷം എം.ജി യൂ​ണി​വേ​ഴ്‌​സി​റ്റി പു​രു​ഷ, വ​നി​താ ടീ​മു​ക​ളു​ടെ മാ​നേ​ജ​രും കോ​ച്ചു​മാ​യി​രു​ന്നു തഴവ കുതിരപ്പന്തി കണ്ണമ്പള്ളിൽ മാത്യൂസ്. 2017ൽ ക​ണ്ണൂ​രിൽ ന​ട​ന്ന അ​ഖി​ലേ​ന്ത്യ അ​ന്തർ സർ​വ​ക​ലാ​ശാ​ല വോ​ളിബാൾ ടൂ​ണ​മെന്റിൽ എം.ജി യൂണി​വേ​ഴ്‌​സി​റ്റി കീ​രീ​ടം നേ​ടു​മ്പോൾ മാത്യൂസായിരുന്നു കോച്ച്. എറ​ണാ​കു​ളം മഹാ​രാ​ജാ​സ്, മൂ​ന്നാർ ഗ​വ. കോ​ളേ​ജ് എ​ന്നി​വി​ട​ങ്ങ​ളിലും സേ​വ​നമ​നു​ഷ്ടി​ച്ചി​രു​ന്ന ഇദ്ദേഹം അവസാന കാലഘട്ടത്തിൽ ച​വ​റ ഗ​വ. കോ​ളേ​ജിൽ കാ​യി​കാ​ദ്ധ്യാ​പ​ക​നാ​യി​രു​ന്നു. 1992ൽ ഗ്വാ​ളി​യർ എൽ.എൻ.സി.പി​യിൽ നി​ന്നാണ് ഫി​സി​ക്കൽ എ​ഡ്യു​ക്കേ​ഷ​നിൽ പി.ജി​യെ​ടു​ത്തത്.

'സൈക്കോളജിക്കൽ ആന്റിസഡൻസ് ഒഫ് കോച്ചിംഗ്, ആൻ എക്സ്‌പ്ളേറ്ററി സ്റ്റഡി എമംഗ് വോളിബാൾ കോച്ചസ്' എന്നതായിരുന്നു മാത്യൂസിന്റെ ഗവേഷണ വിഷയം. കണ്ണൂർ യൂണിവേഴ്സിറ്റി ഫിസിക്കൽ എഡ്യൂക്കേഷൻ അസിസ്റ്റന്റ് പ്രൊഫ. ഡോ.അനിൽ നാരായണന്റെ കീഴിലായിരുന്നു ഗവേഷണം.

ഒ​രു​കാ​ല​ത്ത് വോ​ളി​ബാ​ളി​ന്റെ ഈ​റ്റി​ല്ല​മാ​യി​രു​ന്നു ത​ഴ​വ കു​തി​ര​പ്പന്തി. ദേ​ശീ​യ​ത​ല​ത്തിൽ വ​രെ ക​ളി​ച്ച താ​ര​ങ്ങ​ളു​ടെ നാ​ട്. പിന്നീട് കു​തിപ്പ​ന്തി​ക്ക് ന​ഷ്ട​പ്പെ​ട്ട വോ​ളിബാൾ പ്ര​താ​പം വീ​ണ്ടെ​ടു​ക്കാ​നും മാ​ത്യൂ​സ് ശ്ര​മം ന​ട​ത്തിയിരുന്നു. കു​തി​രപ്പ​ന്തി പ​രി​ഷ്കാര ഗ്ര​ന്ഥ​ശാ​ല​യു​ടെ നേ​തൃ​ത്വ​ത്തിൽ ന​ട​ത്തി​യ അ​വ​ധി​ക്കാ​ല കോ​ച്ചിം​ഗ് ക്ലാ​സി​ലൂ​ടെ നി​ര​വ​ധി പ്ര​തി​ഭ​ക​ളെ ക​ണ്ടെ​ത്താൻ അ​ദ്ദേ​ഹ​ത്തി​ന് ക​ഴി​ഞ്ഞു.