കൊല്ലം: അശോക് ബി. കടവൂരിന്റെ ആദ്ധ്യാത്മിക ലേഖന സമാഹാരം 'ജ്ഞാന പ്രദീപം' 10ന് വൈകിട്ട് 3ന് കുണ്ടറ ആശുപത്രിമുക്ക് വേണൂസ് ധ്യാന ലീലാശ്രമത്തിൽ നടക്കുന്ന ചടങ്ങിൽ പ്രകാശനം ചെയ്യും. അഖില ഭാരത ശ്രീമദ് ഭാഗവത സത്രസമിതി പ്രസിഡന്റ് എസ്. നാരായണസ്വാമി ദീപോജ്വലനവും ഉദ്ഘാടനവും നിർവഹിക്കും. ആർഷ സംസ്കാര ഭാരതി ജില്ലാ രക്ഷാധികാരി കെ. ജയചന്ദ്രബാബു അദ്ധ്യക്ഷത വഹിക്കും. പത്തനംതിട്ട ശാന്താനന്ദ മഠം ഋഷിജ്ഞാന സാധനാലയത്തിലെ സ്വാമിനി ദേവി ജ്ഞാനാഭനിഷ്ഠ പുസ്തക പ്രകാശനം നിർവഹിക്കും. കേരളകൗമുദി റസിഡന്റ് എഡിറ്ററും യൂണിറ്റ് ചീഫുമായ എസ്. രാധാകൃഷ്ണൻ പുസ്തകം ഏറ്റുവാങ്ങും. അശോക് ബി. കടവൂർ സ്വാഗതവും ആർഷ സംസ്കാര ഭാരതി ജില്ലാ സെക്രട്ടറി അഭിലാഷ് കീഴൂട്ട് നന്ദിയും പറയും. സുശീല ടീച്ചർ ഈശ്വര പ്രാർത്ഥന നടത്തും. അമേരിക്കയിലുള്ള സുരേഷ് ജി. കുമാർ, രമണി ബി. കുമാർ എന്നിവരാണ് അശോക് ബി. കടവൂരിന്റെ ആറാമത് ഗ്രന്ഥമായ ജ്ഞാന പ്രദീപത്തിന്റെ പ്രസാദകർ.