കടയ്ക്കൽ : കടയ്ക്കലിൽ എട്ടുവയസുകാരിയെ പീഡിപ്പിച്ച
അറുപതുകാരൻ അറസ്റ്റിൽ. കോട്ടുക്കൽ സ്വദേശി മണിരാജനാണ് അറസ്റ്റിലായത്. പെൺകുട്ടിയുടെ നിലവിളി കേട്ട് 13 വയസുള്ള സഹോദരൻ ഓടിയെത്തിയപ്പോഴാണ് പീഡന വിവരം പുറത്തറിഞ്ഞത്. സംഭവം നടക്കുമ്പോൾ കുട്ടികളുടെ അമ്മ വീട്ടിലുണ്ടായിരുന്നില്ല. ഈ സമയത്ത് അവിടെയെത്തിയ മണിരാജൻ മിഠായി വാങ്ങി നൽകാമെന്ന് പറഞ്ഞ് പെൺകുട്ടിയെ കൂട്ടിക്കൊണ്ട് പോവുകയായിരുന്നു. സമീപത്ത് നിർമ്മാണത്തിലിരുന്ന ഒരു കെട്ടിടത്തിൽ കൊണ്ടുപോയാണ് പീഡിപ്പിച്ചത്. പെൺകുട്ടിയുടെ കരച്ചിൽ കേട്ട് സഹോദരൻ ബഹളമുണ്ടാക്കി ആളെക്കൂട്ടിയെങ്കിലും പ്രതി ഓടി രക്ഷപ്പെട്ടിരുന്നു. പിന്നീട് വീട്ടുകാരുടെ പരാതിയനുസരിച്ച് പ്രതി മണിരാജനെ ഇയാളുടെ വീടിന് സമീപത്തുനിന്ന് അറസ്റ്റുചെയ്യുകയായിരുന്നു.

അറസ്റ്റിലായ മണിരാജനെതിരേ പോക്‌സോ ഉൾപ്പെടെയുള്ള വകുപ്പുകൾ ചുമത്തി കേസ് രജിസ്റ്റർ ചെയ്തു. വൈദ്യ പരിശോധനയ്ക്ക് ശേഷം പെൺകുട്ടി കടയക്കൽ താലൂക്ക് ആശുപത്രിയിൽ ചികിത്സയിലാണ്.