കൊല്ലം: ദേശീയപാത 66 വീതി കൂട്ടുന്നതിനായി ഏറ്റെടുത്ത സ്ഥലത്തിന്റെ ഉടമകൾക്കുള്ള നഷ്ടപരിഹാരം അനുവദിക്കാൻ ആവശ്യമായ രേഖകൾ ഹാജരാക്കുന്നതിനുള്ള അദാലത്ത് ചാത്തന്നൂർ, വടക്കേവിള, കാവനാട്, കരുനാഗപ്പള്ളി യൂണി​റ്റുകളിൽ 11 മുതൽ നടക്കും. ഏ​റ്റെടുക്കുന്ന ഭൂമിയുടെ അസൽ ആധാരം, മുന്നാധാരം, പുതിയ കരം രസീത്, കൈവശ, ജപ്തി ബാദ്ധ്യത രഹിത സർട്ടിഫിക്ക​റ്റ്, വസ്തുസംബന്ധമായ ബാദ്ധ്യത സർട്ടിഫിക്ക​റ്റ്, ഏ​റ്റെടുക്കുന്ന ഭൂമിയിൽ കെട്ടിടം ഉണ്ടെങ്കിൽ അതിന്റെ ഉടമസ്ഥാവകാശ സർട്ടിഫിക്ക​റ്റ്, തനത് വർഷത്തെ കെട്ടിട നികുതി രസീത്, ആധാർ, പാൻ കാർഡുകൾ, ബാങ്ക് അക്കൗണ്ട് പാസ്ബുക്ക് എന്നിവയുടെ സ്വയം സാക്ഷ്യപ്പെടുത്തിയ പകർപ്പുകൾ, നൽകുന്ന രേഖകളിൽ പേരിലോ വിലാസത്തിലോ വ്യത്യാസമുണ്ടെങ്കിൽ വില്ലേജ് ഓഫീസറുടെ വൺ ആൻഡ് സെയിം സർട്ടിഫിക്ക​റ്റ് എന്നിവ ഹാജരാക്കണം.

# അദാലത്ത് നടക്കുന്ന യൂണിറ്റ് - തീയതി- വില്ലേജ്

 ചാത്തന്നൂർ: 11ന് മീനാട്, 12ന് ചിറക്കര, കല്ലുവാതുക്കൽ, 13ന് പാരിപ്പള്ളി

 വടക്കേവിള: 11ന് ആദിച്ചനല്ലൂർ, 12ന് തഴുത്തല,13ന് മയ്യനാട്, 16ന് ശക്തികുളങ്ങര

 കാവനാട്: 11ന് നീണ്ടകര, 12ന് ചവറ, 13ന് പന്മന, 16ന് വടക്കുംതല

 കരുനാഗപ്പള്ളി: 11ന് കരുനാഗപ്പള്ളി, 12ന് ആദിനാട്, അയണിവേലികുളങ്ങര, 13ന് കുലശേഖരപുരം, 16ന് ഓച്ചിറ