കരുനാഗപ്പള്ളി : പ്രധാനമന്ത്രി നരേന്ദ്ര മോദിയുടെ 71-ാം ജന്മദിനം സേവാ സമർപ്പൺ അഭിയാനായി ആഘോഷിക്കുന്നതിന്റെ ഭാഗമായി ബി .ജെ. പി കുലശേഖരപുരം ഏരിയാ കമ്മിറ്റി വലിയത്ത് ആശുപത്രിയുടെ സഹകരണത്തോടെ സൗജന്യ മെഡിക്കൽ ക്യാമ്പ് സംഘടിപ്പിച്ചു. ബി.ജെ.പി ജില്ലാ ജനറൽ സെക്രട്ടറി ശ്രീകുമാർ ഉദ്ഘാടനം നിർവഹിച്ചു. ഏരിയാ കമ്മിറ്റി പ്രസിഡന്റ് ഷിജു അദ്ധ്യക്ഷനായി. യോഗത്തിൽ ബി.ജെ.പി സംസ്ഥാന കൗൺസിലംഗം എ.വിജയൻ . ബിനു എന്നിവർ സംസാരിച്ചു ഡോക്ടർമാരായ വിനു ശങ്കർ, അബ്ദുൾ സലാം, നന്ദു കൃഷ്ണൻ എന്നിവർ ക്യാമ്പിൽ പങ്കെടുത്തു. മഹിളാ മോർച്ച മണ്ഡലം പ്രസിഡന്റ് മിനി അമ്പാടി , ട്രഷറർ ഷീബ, അനിൽ, ഉണ്ണി, ഷാജി, രജനി, സ്മിത എന്നിവർ ക്യാമ്പിന് നേതൃത്വം നൽകി.