കൊല്ലം: ജില്ലാ കേഡറ്റ്‌ സബ് ജൂനിയർ, ജൂനിയർ, സീനിയർ, മാസ്റ്റേഴ്സ് റോളർ സ്കേറ്റിംഗ് ചാമ്പ്യൻഷിപ്പ് 23, 24 തീയതികളിൽ കൊല്ലത്ത് നടത്തുമെന്ന് അസോസിയേഷൻ ജില്ലാ ഭാരവാഹികൾ അറിയിച്ചു. റോഡ് റെയ്‌സ് മത്സരങ്ങൾ ട്രാഫിക് പൊലീസ് സ്റ്റേഷന് മുന്നിലുള്ള ആശ്രാമം റെസിഡൻസി റോഡിൽ 24ന് രാവിലെ ആറിന് നടക്കും. റിങ്ക് റെയ്‌സ്, ആർട്ടിസ്റ്റിക്, റോളർ ഹോക്കി, സ്‌കേറ്റ്ബോർഡ്, റോളർ സ്‌കൂട്ടർ തുടങ്ങിയ മത്സരങ്ങളും കൊവിഡ് മാനദണ്ഡം പാലിച്ച് നടത്തും. ചാമ്പ്യൻഷിപ്പിൽ പങ്കെടുക്കുന്ന അഞ്ചുവയസിനു മുകളിലുള്ളവർ indiaskate.comൽ പേര് രജിസ്റ്റർ ചെയ്‌ത ഫോമും എൻട്രി ഫോമിനൊപ്പം 19ന് മുമ്പ് ഹാജരാക്കണം.

യോഗത്തിൽ ജില്ലാ റോളർ സ്‌കേറ്റിംഗ് അസോസിയേഷൻ പ്രസിഡന്റ് കെ. കൃഷ്ണകുമാർ അദ്ധ്യക്ഷനായി. ജില്ലാ സെക്രട്ടറി പി.ആർ. ബാലഗോപാൽ, ട്രഷറർ എസ്. ബിജു, വൈസ് പ്രസിഡന്റ് എൻ. ശങ്കരനാരായണ പിള്ള, വിഷ്ണു വിശ്വനാഥ്, ജോയിന്റ് സെക്രട്ടറി പി. അശോകൻ, അനുരാജ് പൈങ്ങാവിൽ, എസ്. ആദർശ് തുടങ്ങിയവർ സംസാരിച്ചു. നവംബറിൽ നടക്കുന്ന സംസ്ഥാന ചാമ്പ്യൻഷിപ്പിലേക്കുള്ള ജില്ലാടീമിനെ ഈ മത്സരത്തിൽ നിന്ന് തിരഞ്ഞെടുക്കും. വിശദ വിവരങ്ങൾക്ക് ഫോൺ: 9447230830.