എഴുകോൺ: എസ്.എൻ.ഡി.പി യോഗം കൊട്ടാരക്കര യൂണിയനിൽ ദീർഘകാല കൗൺസിലറും 632-ാം നമ്പർ കാരുവേലിൽ ശാഖാ പ്രസിഡന്റ്, സെക്രട്ടറി എന്നീ നിലകളിലും പ്രവർത്തിച്ചിരുന്ന ചിറ്റാകോട് എള്ളുംവിള വീട്ടിൽ എൻ.ശിവരാജൻ അനുസ്മരണം നാളെ നടക്കും. വൈകിട്ട് 3 മണിക്ക് നടരാജൻ മുതലാളി സ്മാരക എസ്.എൻ നഴ്സറി സ്കൂളിൽ ചേരുന്ന യോഗം കേരളകൗമുദി കൊല്ലം യൂണിറ്റ് ചീഫ് എസ്.രാധാകൃഷ്ണൻ ഉദ്ഘാടനം ചെയ്യും. മുൻ എം.എൽ.എ എഴുകോൺ നാരായണൻ, സി.പി.എം ജില്ലാ സെക്രട്ടേറിയറ്റ് അംഗം പി. എ. ഏബ്രഹാം, സി.പി.ഐ സംസ്ഥാന കൗൺസിൽ അംഗം ആർ. രാജേന്ദ്രൻ, ത്രിതല പഞ്ചായത്ത് അംഗങ്ങൾ, കൊട്ടാരക്കര യൂണിയൻ സെക്രട്ടറി അഡ്വ. അരുൾ, മുൻ യോഗം കൗൺസിലർ അഡ്വ. സജീവ് ബാബു, ബോർഡ് അംഗം എൻ.രവീന്ദ്രൻ, യൂണിയൻ കൗൺസിലർ കെ. രമണൻ, ശാഖാ പ്രസിഡന്റ് കനകമ്മ തുടങ്ങിയവർ പങ്കെടുക്കും.