പുത്തൂർ: വെണ്ടാർ അരീയ്ക്കൽ- പാലവിള റോഡിന്റെ ഉദ്ഘാടനം ഇന്ന് മന്ത്രി കെ.എൻ.ബാലഗോപാൽ നിർവഹിക്കും. എം.എൽ.എ ഫണ്ടിൽ നിന്ന് അനുവദിച്ച 30 ലക്ഷം രൂപ ഉപയോഗിച്ചാണ് റോഡ് നിർമ്മിച്ചത്. രാവിലെ 11.30ന് നെടുവത്തൂർ ഗ്രാമപഞ്ചായത്ത് പ്രസിഡന്റ് ആർ.സത്യഭാമയുടെ അദ്ധ്യക്ഷതയിൽ ചേരുന്ന യോഗത്തിൽ പി.ഐഷാപോറ്റി,​ ജില്ലാ പഞ്ചായത്ത് വൈസ് പ്രസിഡന്റ് സുമാലാൽ,​ ബ്ളോക്ക് പഞ്ചായത്ത് വൈസ് പ്രസിഡന്റ് എം.ലീലാമ്മ,​ ഗ്രാമപഞ്ചായത്തംഗം എസ്.ത്യാഗരാജൻ,​ എസ്.ശശികുമാർ,​ ആർ.സുരേഷ് കുമാർ,​ ആർ.എസ്.അജിതകുമാരി,​ ടി.ജി.സുരേന്ദ്രൻ നായർ,​ പി.തിലകരാജൻ,​ എ.സി.അജയകുമാർ എന്നിവർ സംസാരിക്കും.