കോവൂർ: പാറപ്പുറംമുക്കിൽ പ്രിസ്​കില്ല മെമ്മോറിയൽ ഗ്രാമീണ ലൈബ്രറിയുടെ ഉദ്​ഘാടനവും വിദ്യാരംഭവും സംഗീതാർച്ചനയും നടത്തി. ലൈബ്രറി ഉദ്​ഘാടനം മൈനാഗപ്പള്ളി പഞ്ചായത്ത്​ വൈസ്​ പ്രസിഡന്റ് ലാലി ബാബു നിർവഹിച്ചു. വിദ്യാരംഭവും സംഗീതാർച്ചനയും കവി കുരീപ്പുഴ ഫ്രാൻസിസ്​ നിർവഹിച്ചു. മുൻ പത്തനംതിട്ട കളക്​ടർ പി. അർജുനൻ പ്രതിഭകൾക്ക്​ സമ്മാനവിതരണം നടത്തി. അകാലത്തിൽ പൊലിഞ്ഞ മകൾ പ്രിസ്​കില്ലയുടെ സ്​മരണാർഥം ലൈബ്രറി നിർമ്മിക്കുന്നതിന്​ വസ്​തു സംഭാവന നൽകിയ പിതാവ്​ ജോർജ്​ തോമസ്​, അനിൽ മത്തായി എന്നിവർ സംസാരിച്ചു.