പത്തനാപുരം : ഗോവ ഗവർണർ അഡ്വ. പി.എസ്. ശ്രീധരൻ പിള്ള ഇന്ന് പത്തനാപുരം ഗാന്ധിഭവൻ സന്ദ‌ർശിക്കും. രാവിലെ 9.30ന് ഗാന്ധിഭവനിലെ ഭിന്നശേഷിക്കാർക്കാർക്കായുള്ള പുനരധിവാസകേന്ദ്രത്തിന്റെ പതിനഞ്ചാം വാർഷികാഘോഷങ്ങളുടെ ഉദ്ഘാടനം നിർവഹിക്കും. ജില്ലാ പഞ്ചായത്ത് പ്രസിഡന്റ് സാം കെ. ഡാനിയേൽ അദ്ധ്യക്ഷനാകും. ഗാന്ധിഭവൻ സെക്രട്ടറി ഡോ. പുനലൂർ സോമരാജൻ, പത്തനാപുരം ബ്ലോക്ക് പഞ്ചായത്ത് പ്രസിഡന്റ് എ. ആനന്ദവല്ലി, ബി.ജെ.പി ജില്ലാ പ്രസിഡന്റ് ബി.ബി. ഗോപകുമാർ, ഇന്റർനാഷണൽ ലേബർ ഓർഗനൈസേഷൻ മെമ്പർ ആർ. ചന്ദ്രശേഖരൻ, എൻ. ജഗദീശൻ, പി.എസ്. അമൽരാജ് എന്നിവർ പ്രസംഗിക്കും.
ചടങ്ങിൽ വച്ച് വിവിധ മേഖലകളിൽ പ്രതിഭകളായ ഡോ. ഡി. ഷൈൻകുമാർ, മെഹർഖാൻ ചേന്നല്ലൂർ, സി.ജി. രാജൻ കെട്ടിടത്തിൽ, ജെ. രാജൻ, അരുൺ പുനലൂർ, വിഷ്ണു വിജയൻ എന്നിവർക്ക് ഗാന്ധിഭവന്റെ ആദരം ഗവർണർ സമ്മാനിക്കും.