കൊട്ടാരക്കര: തലച്ചിറ പി.കെ.വി ഗ്രന്ഥശാലയുടെ നേതൃത്വത്തിൽ പ്രൊഫ.ടി.ജെ.ജോസഫിന്റെ "അറ്റുപോകാത്ത ഓർമ്മകൾ" എന്ന പുസ്തകവുമായി ബന്ധപ്പെട്ട ചർച്ച സംഘടിപ്പിക്കുന്നു. 19ന് വൈകിട്ട് 4ന് കൊട്ടാരക്കര പ്രസ് ക്ളബ് ഹാളിൽ നടക്കുന്ന ചർച്ചയിൽ മുൻ മന്ത്രി മുല്ലക്കര രത്നാകരൻ, ടി.കെ.വിനോദൻ, പി.കെ.ജോൺസൺ, എ.എസ്.ഷാജി എന്നിവർ പങ്കെടുക്കും. സദാനന്ദപുരം ഇഞ്ചക്കൽ അച്യുതമേനോൻ സാംസ്കാരിക വേദി, കരിക്കം ജനകീ വായനശാല എന്നിവയുമായി സഹകരിച്ചാണ് പരിപാടി നടത്തുന്നത്.