തൊ​ടി​യൂർ: രാ​ത്രി വീ​ട്ടി​നു​ള്ളിൽ ഉ​റ​ങ്ങു​ക​യാ​യി​രു​ന്ന മൂ​ന്ന​ര​വ​യ​സു​കാ​രി​യു​ടെ കി​ട​ക്ക​യി​ലേ​ക്ക് ഇ​ഴ​ഞ്ഞു ക​യ​റി​യ അ​ണ​ലി​യെ വീ​ട്ടു​കാർ പി​ടി​കൂ​ടി. ക​ല്ലേ​ലി​ഭാ​ഗം 19​-ാം വാർ​ഡിൽ കൃ​ഷ്​ണാ​ല​യ​ത്തിൽ കൃ​ഷ്​ണ​കു​മാർ ​ പ്രി​യ ദ​മ്പ​തി​ക​ളു​ടെ ത​ക​ര​ഷീ​റ്റ് കൊ​ണ്ടു നിർ​മ്മി​ച്ച ര​ണ്ടു മു​റി വീ​ടി​നു​ള്ളി​ലേ​ക്കാ​ണ് പാ​മ്പ് ക​യ​റി​യ​ത്. വൈ​ദ്യു​തി ഇ​ല്ലാ​ത്ത വീ​ട്ടിൽ മ​ണ്ണെ​ണ്ണ വി​ള​ക്കി​ന്റെ വെ​ളി​ച്ച​ത്തി​ലാ​ണ് കൃ​ഷ്​ണ കു​മാർ​ പാ​മ്പി​നെ ക​ണ്ട​ത്. ഉ​ടൻ ത​ന്നെ സ​മീ​പ​ത്ത് താ​മ​സി​ക്കു​ന്ന കൃ​ഷ്​ണ​കു​മാ​റി​ന്റെ അ​ച്ഛ​നെ വി​വ​രം അ​റി​യി​ച്ചു.അ​ദ്ദേ​ഹം എ​ത്തി പാ​മ്പി​നെ പി​ടി​കൂ​ടി ബ​ക്ക​റ്റി​ലാ​ക്കി. ഇ​വ​രു​ടെ വീ​ട്ടിൽ തു​ടർ​ച്ച​യാ​യി ഇ​ഴ​ജ​ന്തു​ക്കൾ എ​ത്താ​റു​ണ്ടെ​ന്ന് പ​റ​യു​ന്നു. ലൈ​ഫ് ഭ​വ​ന​പ​ദ്ധ​തി​യിൽ വീ​ടി​ന് അ​പേ​ക്ഷ നൽ​കി വർ​ഷ​ങ്ങ​ളാ​യി കാ​ത്തി​രി​ക്കു​ക​യാ​ണ് ഈ കു​ടും​ബം.