കൊല്ലം: ജില്ലാ കേഡറ്റ്, സബ് ജൂനിയർ, ജൂനിയർ, സീനിയർ, മാസ്റ്റേഴ്സ് റോളർ സ്‌കേറ്റിംഗ് ചാമ്പ്യൻഷിപ്പ് 24ന് കൊല്ലത്ത് തുടങ്ങും. ആശ്രാമത്ത് ട്രാഫിക് പൊലീസ് സ്റ്റേഷന് മുന്നിലുള്ള റോഡിൽ രാവിലെ 6ന് റോഡ് റെയ്‌സ് മത്സരങ്ങളും ഉദ്ഘാടനവും നടക്കും. തുടർന്ന് ബിഷപ്പ് ജെറോം ഇൻസ്റ്റിറ്റ്യൂട്ട് ബാസ്കറ്റ് ബോൾ കോർട്ടിൽ റിങ്ക് റെയ്‌സ്, ആർട്ടിസ്റ്റിക്, റോളർ സ്‌കൂട്ടർ മത്സരങ്ങൾ നടക്കും. 31ന് കരുനാഗപ്പള്ളിയിൽ ആൺകുട്ടികളുടെയും പെൺകുട്ടികളുടെയും റോളർ ഹോക്കി മത്സരമുണ്ടായിരിക്കും. നവംബറിൽ നടക്കുന്ന സംസ്ഥാന ചാമ്പ്യൻഷിപ്പിലേക്കുള്ള ജില്ലാടീമിനെ ഈ മത്സരത്തിൽ നിന്ന് തിരഞ്ഞെടുക്കുമെന്ന് ജില്ലാ റോളർ സ്കേറ്റിംഗ് അസോസിയേഷൻ സെക്രട്ടറി പി.ആർ. ബാലഗോപാൽ അറിയിച്ചു.