കൊല്ലം: മൈലക്കാട് ജോസ് സഹായൻ വധക്കേസിലെ സാക്ഷിയെ ഭീഷണിപ്പെടുത്തിയ കേസിലെ രണ്ടാമനും പൊലീസ് പിടിയിലായി. കേസിലെ നാലാം സാക്ഷിയായ മൈലക്കാട് സ്വദേശി ജോൺ ബ്രിട്ടോയെ ഭീഷണിപ്പെടുത്തിയ കേസിലെ രണ്ടാം പ്രതിയായ മൈലക്കാട് തടവിള വീട്ടിൽ ബിനു ജോർജാണ് (44) ചാത്തന്നൂർ പൊലീസിന്റെ പിടിയിലായത്.

കഴിഞ്ഞ ഏഴാം തീയതി ജോൺ ബ്രിട്ടോ കോടതിയിൽ ഹാജരായി പ്രതികൾക്കെതിരെ മൊഴി നൽകിയിരുന്നു. തൊട്ടടുത്ത ദിവസം പ്രതികൾ മൈലക്കാട് വച്ച് ജോൺ ബ്രിട്ടോയെ ഭീഷണിപ്പെടുത്തിയിരുന്നു. തുടർന്ന്ചാത്തന്നൂർ പൊലീസ് സ്റ്റേഷനിൽ നൽകിയ പരാതിയുടെ അടിസ്ഥാനത്തിലാണ് കേസെടുത്തത്. ഒന്നാം പ്രതി മൈലക്കാട് സ്വദേശിയായ ഷിബുവിനെ നേരത്തെ അറസ്റ്റ് ചെയ്തിരുന്നു.