പത്തനാപുരം: ഗാന്ധിഭവന്റെ നേതൃത്വത്തിൽ നടപ്പാക്കുന്ന 'ഒരു വീട്ടിൽ ഒരു ഫലവൃക്ഷം പദ്ധതി'യുടെ സംസ്ഥാനതല ഉദ്ഘാടനം ഇന്ന് വൈകിട്ട് 4 ന് രമേശ് ചെന്നിത്തല നിർവഹിക്കും. വിവിധ മേഖലകളിലെ പ്രതിഭകൾക്ക് ഗാന്ധിഭവന്റെ ആദരം രമേശ് ചെന്നിത്തല സമ്മാനിക്കും. സംസ്ഥാന-അദ്ധ്യാപക വനമിത്ര പുരസ്‌കാര ജേതാവ് എൽ. സുഗതന്റെ നേതൃത്വത്തിലുള്ള 'സുഗതവനം' ചാരിറ്റബിൾ ട്രസ്റ്റിന്റെ ഉദ്ഘാടനവും നടക്കും. ഈ വർഷത്തെ പ്രതിഭാമരപ്പട്ടത്തിന് അർഹയായ ഗാന്ധിഭവന്റെ മകൾ ആൻ ജി.ബിയ്ക്ക് ആദരം സമ്മാനിക്കും. മുൻ മന്ത്രി കെ. രാജു അദ്ധ്യക്ഷത വഹിക്കുന്ന ചടങ്ങിൽ ഗാന്ധിഭവൻ സെക്രട്ടറിയും സംസ്ഥാന ഓർഫനേജ് കൺട്രോൾ ബോർഡ് മെമ്പറുമായ ഡോ. പുനലൂർ സോമരാജൻ സ്വാഗതം പറയും. സ്പീഡ് കാർട്ടൂണിസ്റ്റ് ജി. ജിതേഷ് , എസ്. വേണുഗോപാൽ, ജി. രാധാമോഹൻ, ആർ. റെജി, എം. മീരാപിള്ള, പ്രകാശ് മഞ്ഞാണിയിൽ, വിൻസെന്റ് ഡാനിയേൽ, മുഹമ്മദ് ഷെമീർ എന്നിവർ പങ്കെടുക്കും. വിവിധ മേഖലകളിൽ നിന്നുള്ള പ്രമുഖർ പങ്കെടുക്കുന്ന ചടങ്ങിൽ ഗാന്ധിഭവൻ വൈസ് ചെയർമാൻ പി.എസ്. അമൽരാജ് നന്ദി പറയും.