കൊല്ലം : കേരളാ ബാങ്കിലെ രാഷ്ട്രീയ പ്രേരിത സ്ഥലം മാറ്റങ്ങൾ അവസാനിപ്പിക്കുക, റിവ്യൂ മീറ്റിംഗുകളിൽ ജീവനക്കാരെ മാനസികമായി പീഡിപ്പിക്കുന്ന നടപടി അവസാനിപ്പിക്കുക, റിക്രൂട്ട്മെന്റ് റൂൾ പ്രകാരമുള്ള പ്രൊമോഷനുകൾ നടത്തുക തുടങ്ങിയ ആവശ്യങ്ങൾ ഉന്നയിച്ച് കേരളാ ബാങ്കിന്റെ കൊല്ലം ഓഫീസിന് മുന്നിൽ എംപ്ലോയീസ് യൂണിയൻ ( എ.ഐ.ബി.ഇ.എ ) ധർണ സംഘടിപ്പിച്ചു. എ.ഐ.ടി.യു.സി ജില്ലാ സെക്രട്ടറി ജി. ബാബു ഉദ്ഘടാനം ചെയ്തു. യൂണിയൻ പ്രസിഡന്റ് പ്രതാപചന്ദ്രൻ അദ്ധ്യക്ഷത വഹിച്ചു. ഐ.എൻ.ടി.യു.സി നേതാവ് എ.കെ. ഹഫീസ്, എ.കെ.ബി.ഇ.എഫ് ജില്ലാ സെക്രട്ടറി യു. ഷാജി, വർക്കിംഗ് പ്രസിഡന്റ് എസ്. സുനിൽ കുമാർ,​ സംസ്ഥാന കമ്മിറ്റി അംഗം പി.കെ. നന്ദകുമാർ, വനിതാ വേദി സെക്രട്ടറി ഉമാദേവി എന്നിവർ സംസാരിച്ചു. യൂണിയൻ സെക്രട്ടറി എം.എസ്. ശക്തീധരൻ പിള്ള സ്വാഗതവും ട്രഷറർ അലക്സ് പണിക്കർ നന്ദിയും പറഞ്ഞു.