കരുനാഗപ്പള്ളി : ശുചിത്വ അവബോധം വീടുകളിൽ നിന്നാരംഭിക്കണമെന്ന് സി. ആർ. മഹേഷ്‌ എം. എൽ. എ അഭിപ്രായപ്പെട്ടു. അസാദി കാ അമൃത് മഹോത്സവത്തിന്റെ ഭാഗമായി രാജ്യത്തുടനീളം സംഘടിപ്പിക്കപ്പെട്ട ക്ലീൻ ഇന്ത്യ കാമ്പയിന്റെ ജില്ലാതല സമാപന ചടങ്ങ് കരുനാഗപ്പള്ളി സബർമതി ഗ്രന്ഥശാലാ ഹാളിൽ ഉദ്‌ഘാടനം ചെയ്തു സംസാരിക്കുകയായിരുന്നു അദ്ദേഹം . കേരള യൂത്ത് പ്രമോഷൻ കൗൺസിൽ ചെയർമാൻ സുമൻജിത്ത് മിഷ അദ്ധ്യക്ഷനായി.നെഹ്‌റു യുവ കേന്ദ്ര ജില്ലാ യൂത്ത് ഓഫീസർ നിപുൺ ചന്ദ്രൻ മുഖ്യപ്രഭാഷണം നടത്തി. ജി. മഞ്ജുകുട്ടൻ, മുഹമ്മദ്‌ സലിംഖാൻ, ബി .ജെ.അരുൺ എന്നിവർ പ്രസംഗിച്ചു. ജില്ലാ ഭരണകൂടം, നെഹ്‌റു യുവ കേന്ദ്ര, ശുചിത്വമിഷൻ,തദ്ദേശ സ്വയംഭരണ സ്ഥാപനങ്ങൾ, സന്നദ്ധസംഘടനകൾ എന്നിവയുടെ സഹകരണത്തോടെയാണ് ജില്ലയിൽ കാമ്പയിൻ നടന്നത്. ആയിരംതെങ്ങ് കണ്ടൽ വനത്തിലെ പ്ലാസ്റ്റിക് മാലിന്യങ്ങൾ നീക്കം ചെയ്തു.