കൊടുങ്ങലൂർ: കരുതലോടെ മുന്നോട്ട് പദ്ധതിയുടെ ഭാഗമായി സ്‌കൂൾ വിദ്യാർത്ഥികൾക്കുള്ള സൗജന്യ ഹോമിയോ പ്രതിരോധ മരുന്ന് വിതരണത്തിന്റെ മുൻസിപ്പൽ തല ഉദ്ഘാടനം നടത്തി. ഓൺലൈനിൽ മരുന്ന് ബുക്ക് ചെയ്യുന്ന കുട്ടികളുടെ രക്ഷിതാക്കൾക്ക് 25, 26, 27 തീയതികളിൽ ഗവ. ഗേൾസ് ഹയർ സെക്കൻഡറി സ്‌കൂളിൽ നിന്നും മേത്തല ഹോമിയോ ഡിസ്‌പെൻസറിയിൽ നിന്നും പ്രതിരോധ മരുന്ന് നൽകും. തുടർന്ന് സ്‌കൂളുകളിൽ അദ്ധ്യാപകരുടെ സഹകരണത്തോടെ നേരിട്ടും മരുന്ന് വിതരണം ചെയ്യും. ഗവ. കെ.കെ.ടി.എം ഹയർ സെക്കൻഡറി സ്‌കൂളിൽ നടന്ന ചടങ്ങിൽ മുൻസിപ്പൽ വൈസ് ചെയർമാൻ കെ.ആർ ജൈത്രൻ ഉദ്ഘാടനം ചെയ്തു. ആരോഗ്യ സ്റ്റാൻഡിംഗ് കമ്മിറ്റി ചെയർപേഴ്‌സൺ എൽസി പോൾ അദ്ധ്യക്ഷയായി. മെഡിക്കൽ ഓഫീസർ ഡോ. മനീഷ, വാർഡ് കൗൺസിലർ സുമേഷ്, ആശാ ആനന്ദ്, ഡോ. ഒ.ജി വിനോദ്, ഡോ. മിഥുൻ, ഹെഡ്മിസ്ട്രസ് ലത എന്നിവർ പ്രസംഗിച്ചു.