ഗുരുവായൂർ: അഗ്‌നിബാധയെ തുടർന്ന് ഗുരുവായൂർ ക്ഷേത്രം പുനരുദ്ധാരണം നടത്തിയതിന്റെ സുവർണ ജൂബിലിയുടെ ഭാഗമായി കോമത്ത് നാരായണ പണിക്കരെ ഗുരുവായൂർ ദേവസ്വം ആദരിക്കും. ഇന്ന് രാവിലെ 11 ന് ദേവസ്വം കോൺഫറൻസ് ഹാളിൽ ചേരുന്ന യോഗത്തിലാണ് ദേവസ്വം ചെയർമാൻ അഡ്വ.കെ.ബി മോഹൻദാസ് കോമത്ത് നാരായണ പണിക്കരെ ആദരിക്കുക. 1970 ൽ ക്ഷേത്രത്തിലുണ്ടായ തീപ്പിടുത്തം ആദ്യം കാണുകയും രക്ഷാപ്രവർത്തനം നടത്തുകയും ചെയ്തത് കോമത്ത് നാരായണ പണിക്കരായിരുന്നു.