തൃശൂർ: നഗരത്തിൽ ഇന്ന് മുതൽ പുത്തൻ ഗതാഗത പരിഷ്‌കാരം പ്രാബല്യത്തിൽ. ട്രാഫിക് റഗുലേറ്ററി കമ്മിറ്റി തീരുമാനപ്രകാരമാണ് പുതിയ പരിഷ്‌കാരം. നേരത്തെ പൊലീസ് പ്രഖ്യാപിച്ച എം.ഒ റോഡിലെ പരിഷ്‌കാരം ഏറെ വിവാദം സൃഷ്ടിച്ചിരുന്നു. തുടർന്നാണ് പുതിയ ഗതാഗത പരിഷ്‌കാരങ്ങൾ നടപ്പാക്കുന്നത്.

ഗതാഗതക്രമീകരണം ഇങ്ങനെ

# പോസ്റ്റ് ഓഫീസ് റോഡ് (എം.ഒ റോഡ് മുതൽ ചെട്ടിയങ്ങാടി വരെ ) വൺവേ ആകും.

# പഴയ പട്ടാളം റോഡ് ( മാതൃഭൂമി ജംഗ്ഷനിൽ നിന്നും തൃശൂർ റൗണ്ട് വരെ) രണ്ട് വരി ഗതാഗതം അനുവദിക്കും

# സ്വാരാജ് റൗണ്ടിൽ നിന്നും ആരംഭിച്ച് മാരാർ റോഡിൽ മണപ്പുറം ജംഗ്ഷൻ വരെ വൺവേ ആകും.

# ചെട്ടിയങ്ങാടി ഭാഗത്ത് നിന്നും എം.ഒ റോഡിലേക്ക് വാഹനങ്ങൾക്ക് പ്രവേശനം അനുവദിക്കില്ല.

# ചെമ്പോട്ടിൽ ലൈൻ, മന്നാടിയാർ ലൈൻ റോഡുകളിൽ നിന്നും പോസ്റ്റ് ഓഫീസ് റോഡിലേക്ക് വരുന്ന വാഹനങ്ങൾ പോസ്റ്റ് ഓഫീസ് റോഡിലേക്ക് എത്തി ഇടത്തോട്ട് തിരിയാൻ അനുവദിക്കില്ല.

# എം.ഒ റോഡിൽ നിന്ന് വരുന്ന വാഹനങ്ങൾ ജയ ബേക്കറി ജംഗ്ഷനിൽ എത്തി വലത്തോട്ട് തിരിഞ്ഞ് പോസ്റ്റ് ഓഫീസ് റോഡിലേക്ക് പോകാം. ജയ ബേക്കറി ജംഗ്ഷനിൽ നിന്ന് ഇടത്തോട്ട് തിരിഞ്ഞ് തവിട്ടങ്ങാടി വഴി ഹൈറോഡിലേക്കും പോകാം.

# ഹൈറോഡ്, തവിട്ടങ്ങാടി ഭാഗത്ത് നിന്നും ജയ ജംഗ്ഷനിലേക്ക് വാഹനങ്ങൾക്ക് പ്രവേശനം ഉണ്ടാകില്ല.
കൂടാതെ പോസ്റ്റ് ഓഫീസ് റോഡിലുള്ള കണ്ടംലൈൻ, രാമഞ്ചിറ മഠം റോഡ് എന്നീ ഭാഗങ്ങളിൽ നിന്നും പോസ്റ്റ് ഓഫീസ് റോഡിലേക്ക് വരുന്ന വാഹനങ്ങൾ ഇടത്തോട്ട് തിരിഞ്ഞ് ചെട്ടിയങ്ങാടി ഭാഗത്തേയ്ക്ക് പോകണം.

# മണപ്പുറം ജംഗ്ഷൻ മുതൽ വടക്കോട്ട് മാരാർ റോഡിലൂടെ സ്വരാജ് റൗണ്ടിലേക്ക് വാഹനങ്ങൾ പ്രവേശിക്കാൻ പാടുള്ളതല്ല.