പാറശാല: ലോക ഹൃദയ ദിനത്തോടനുബന്ധിച്ച് പൂവാർ റോട്ടറി ക്ലബും പൂവാർ ഗായത്രി ആശുപത്രിയും സംയുക്തമായി സംഘടിപ്പിച്ച സൗജന്യ പ്രമേഹ രോഗനിർണയ മെഡിക്കൽ ക്യാമ്പിന്റെ ഉദ്ഘാടനം കെ. ആൻസലൻ എം.എൽ.എ നിർവഹിച്ചു. പൊഴിയൂർ ശാന്തിനികേതൻ എഡ്യൂക്കേഷണൽ സൊസൈറ്റിയിൽ നടന്ന ചടങ്ങിൽ പൂവാർ റോട്ടറി ക്ലബ് പ്രസിഡന്റ് രാജൻ വി. പൊഴിയൂർ അദ്ധ്യക്ഷത വഹിച്ചു. ഗായത്രി ഹോസ്പിറ്റൽസ് എം.ഡി ഡോ. ഇ.എ. സജികുമാർ പ്രമേഹരോഗവും ജീവിതശൈലികളും എന്ന വിഷയത്തിൽ ബോധവത്കരണ പ്രഭാഷണം നടത്തി. സൗജന്യ ഗ്ലൂക്കോമീറ്ററുകളുടെ വിതരണോദ്ഘാടനം റോട്ടറി അസിസ്റ്റന്റ് ഗവർണർ ആർ. രാജമണി നിർവഹിച്ചു. റോട്ടറി ക്ലബ് അംഗങ്ങളായ എം. സിന്ധുകുമാർ, ഐ.ടി ഓഫീസർ പ്രവീൺ ഡി, റോട്ടറി ഭാരവാഹികളായ ഓലത്താന്നി വിക്ടറി ഹയർ സെക്കൻഡറി സ്കൂൾ മുൻ പ്രിൻസിപ്പൽ പ്രേംകുമാർ ഐ.ജി, ജോസ് ഷിബു, മോഹനചന്ദ്രൻ നായർ, സെലിൻസ്, സജീവ് എസ്.എച്ച്, ഡോ. മണിവർണൻ, ഡോ. അനുശ്രീ, ഡോ. ഭവാനി, ഗായത്രി ഹോസ്പിറ്റൽ അഡ്മിനിസ്ട്രേറ്റർ പൊഴിയൂർ ശിവകുമാർ, ശാന്തിനികേതൻ പ്രോഗ്രാം കോ ഓഡിനേറ്റർമാരായ മീനു എ.എസ്, നന്ദനാ സുരേഷ് തുടങ്ങിയവർ സംസാരിച്ചു. മുന്നൂറോളം പേർ ക്യാമ്പിൽ പങ്കെടുത്തു.