തിരുവനന്തപുരം: മുതിർന്ന പൗരൻമാർക്ക് ഒന്നിച്ചിരിക്കാനും പരസ്പരം വിഷമങ്ങൾ പങ്കുവെക്കാനും ആരംഭിച്ച 'സായംപ്രഭ"' മാതൃകാ പകൽവീടുകൾ എല്ലാ ജില്ലകളിലും, തുടർന്ന്‌ ബ്ലോക്ക് തലങ്ങളിലും തുടങ്ങുമെന്ന് മന്ത്രി ഡോ. ആർ ബിന്ദു പറഞ്ഞു. വൃദ്ധസദനങ്ങളുടെ സൗകര്യങ്ങളുംസേവനങ്ങളുംദേശീയ നിലവാരത്തിലേക്കുയർത്തുന്ന 'സെക്കൻഡ് ഇന്നിംഗ്സ്‌ഹോം' പദ്ധതിയും എല്ലാ ജില്ലകളിലും നിലവിൽ വരും അന്താരാഷ്ട്ര വയോജനദിനാചരണത്തിന്റെ സംസ്ഥാനതല ഉദ്ഘാടനം നിർവഹിക്കുകയായിരുന്നു മന്ത്രി.
വയോജനപരിപാലനമേഖലയിൽ മികച്ച പ്രവർത്തനങ്ങൾ നടത്തുന്ന വ്യക്തികൾ, സ്ഥാപനങ്ങൾ എന്നിവയ്ക്കും, വിവിധ മണ്ഡലങ്ങളിൽ ഉയർന്ന സംഭാവനകൾ നൽകുന്ന വയോജനങ്ങൾക്കും 'വയോസേവന" പുരസ്‌കാരം ഏർപ്പെടുത്തിയതായി മന്ത്രി അറിയിച്ചു. മുതിർന്ന പൗരന്മാർക്ക് അടിയന്തിര ഘട്ടത്തിൽ സഹായം നൽകുന്ന 'വയോരക്ഷ"യ്ക്കും തുടക്കമായി. മന്ത്രി ആന്റണി രാജുവും ചടങ്ങിൽ സംബന്ധിച്ചു.