മുരുക്കുംപുഴ: മുരുക്കുംപുഴ ലയൺസ് ക്ലബും, മുരുക്കുംപുഴ കൾച്ചറൽ ഓർഗനൈസേഷൻ ലൈബ്രറിയും സംയുക്തമായി ഗാന്ധി ജയന്തി ആചരിച്ചു. സേവന പ്രവർത്തനങ്ങളുടെ ഭാഗമായി മുരുക്കുംപുഴ റെയിൽവേ സ്റ്റേഷൻ റോഡ് സഞ്ചാരയോഗ്യമാക്കുകയും റെയിൽവേ പ്ലാറ്റ് ഫോമും പരിസരവും കാട് വെട്ടി വൃത്തിയാക്കുകയും ചെയ്തു.

സേവന പ്രവർത്തനങ്ങളുടെ ഉദ്ഘാടനം ലയൺസ് ഇന്റർനാഷണൽ ഡിസ്ട്രിക്റ്റ് ക്യാബിനറ്റ് അഡ്വൈസറും കൾച്ചറൽ ഓർഗനൈസേഷൻ ലൈബ്രറി പ്രസിഡന്റുമായ എം.ജെ.എഫ് ലയൺ ഏ.കെ. ഷാനവാസ് നിർവഹിച്ചു. മംഗലപുരം ഗ്രാമ പഞ്ചായത്ത് അംഗം ശ്രീ ചന്ദ്, ലയൺസ് ക്ലബ് സെക്രട്ടറി ഷാജി ഖാൻ എം.എ, അബ്ദുൾ വാഹിദ്, ലയൺ കൃത്തി ദാസ്, ലൈബ്രറി സെകടറി വിജയകുമാർ, ലൈബ്രേറിയൻ ജോർജ്ജ് ഫെർണാണ്ടസ് തുടങ്ങിയവർ നേതൃത്വം നൽകി.