തിരുവനന്തപുരം: കൊവിഡ് മരണക്കണക്കുകൾ മറച്ചുവയ്ക്കുന്നില്ലെന്നും ജൂൺ 16ന് മുൻപ് മരിച്ചതും രേഖകളില്ലാതിരുന്നതിനാൽ നേരത്തേ ഉൾപ്പെടുത്താതിരുന്നതുമായ ഏഴായിരം മരണങ്ങൾ കൂടി ഉൾപ്പെടുത്തി പുതിയ പട്ടിക പ്രസിദ്ധീകരിക്കുമെന്നും മന്ത്രി വീണാജോർജ് നിയമസഭയിൽ പറഞ്ഞു. നഷ്ടപരിഹാരം ലഭിക്കാനുള്ള ഈ പട്ടികയിൽ ആക്ഷേപമുള്ളവർക്ക് പത്തുമുതൽ ഓൺലൈനായോ തൊട്ടടുത്തുള്ള പബ്ലിക് ഹെൽത്ത് സെന്ററിലോ കമ്യൂണി​റ്റി ഹെൽത്ത് സെന്ററിലോ നിർദ്ദിഷ്ട ഫോമിൽ അപേക്ഷിക്കാം. 30 ദിവസത്തിനകം പരിഹാരമുണ്ടാക്കി ജില്ലാതലത്തിൽ പട്ടിക പ്രസിദ്ധീകരിക്കും. അർഹതപ്പെട്ട ഒരു കുടുംബത്തിനും സഹായം ലഭിക്കാതിരിക്കില്ലെന്നും മന്ത്രി പറഞ്ഞു.

കൊവിഡ് ചികിത്സയിൽ നിന്നും പ്രതിരോധത്തിൽ നിന്നും സർക്കാർ പിന്തിരിയുകയാണെന്നും മരണക്കണക്കുകൾ ഒളിപ്പിക്കുകയാണെന്നും കുറ്റപ്പെടുത്തി പ്രതിപക്ഷം സഭയിൽ നിന്ന് ഇറങ്ങിപ്പോയി. മികച്ച പ്രതിരോധം തീർത്തെന്ന് കാണിക്കാനാണ് കൊവിഡ് മരണക്കണക്ക് ഒളിപ്പിക്കുന്നതെന്ന് അടിയന്തര പ്രമേയത്തിനു നോട്ടീസ് നൽകിയ പി.സി. വിഷ്ണുനാഥ് ആരോപിച്ചു. 30 ശതമാനം പേർ മരിച്ചത് ആശുപത്രിയിലെത്തിക്കാൻ വൈകിയതു മൂലമാണെന്നു കണക്കുകൾ പറയുന്നു. കൊവിഡ് വന്നാൽ വീട്ടിലിരിക്കാനും ഗുരുതരമായാൽ മാത്രം ആശുപത്രിയിൽ പോയാൽ മതിയെന്നുമുള്ള സർക്കാർ നിലപാടാണ് മരണനിരക്ക് ഉയരാൻ കാരണമായത്. മരിച്ചവരുടെ കുടുംബത്തിന് എട്ടു ലക്ഷമെങ്കിലും നഷ്ടപരിഹാരം നൽകണം.

കൊവിഡ് പ്രതിരോധത്തിൽ സർക്കാരിന്റേത് പൊള്ളയായ അവകാശവാദമാണെന്നും സർക്കാരിന്റെ കണക്കും യഥാർത്ഥ മരണങ്ങളും തമ്മിൽ വലിയ വ്യത്യാസമുണ്ടെന്നും പ്രതിപക്ഷനേതാവ് വി.ഡി.സതീശൻ പറഞ്ഞു. ജൂൺ 16വരെയുള്ള മരണക്കണക്കിൽ കള്ളക്കളി നടത്തിയ സർക്കാർ അതിനുശേഷമുള്ള പട്ടിക മാത്രമാണ് പ്രസിദ്ധീകരിച്ചത്. കേരളത്തിൽ കൊവിഡിന്റെ രണ്ടാംതരംഗം അവസാനിച്ചോ? അല്ലെങ്കിൽ എന്ന് അവസാനിക്കും. ഇതൊന്നും വ്യക്തമായി പറയാൻ സർക്കാരിനാവുന്നില്ല. മൂന്നാം തരംഗത്തെ തടയാനുള്ള പഠനത്തിനാവശ്യമായ കൃത്യമായ ഡേറ്റ കൈവശമില്ല. എല്ലാ സംസ്ഥാനങ്ങളും ചികിത്സ സൗജന്യമാക്കുമ്പോൾ ഇവിടെ കൊവിഡാനന്തര ചികിത്സയ്ക്ക് സർക്കാരാശുപത്രികളിൽ പണമീടാക്കുന്നുവെന്നും സതീശൻ കുറ്റപ്പെടുത്തി.

"

ആശുപത്രിയിലെത്തിക്കാൻ വൈകുന്നതു കാരണമുള്ള മരണങ്ങൾ തടയാൻ ജനജാഗ്രതാസമിതികൾ ശക്തിപ്പെടുത്തി. ഓരോ മരണവും എങ്ങനെയാണെന്ന് പരിശോധിക്കുന്നുണ്ട്.

-വീണാജോർജ്ജ്,

ആരോഗ്യമന്ത്രി

"

മേനിനടിക്കാൻ യഥാർത്ഥ കണക്ക് സർക്കാർ മറച്ചുവച്ചാൽ ജനങ്ങൾക്ക് നഷ്ടപരിഹാരം കിട്ടാതാവും. ജൂൺ16ന് മുൻപ് മരിച്ചവരുടെ പട്ടിക പുറത്തുവിട്ടിട്ടില്ല. ആയിരക്കണക്കിനാളുകൾ പട്ടികയ്ക്ക് പുറത്താണ്.

-വി.ഡി.സതീശൻ,

പ്രതിപക്ഷനേതാവ്

'​പ​രാ​തി​ക​ളു​ണ്ടെ​ങ്കി​ൽ​ ​പ​രി​ഹ​രി​ക്കും'

തി​രു​വ​ന​ന്ത​പു​രം​:​ ​സം​സ്ഥാ​ന​ത്തെ​ ​കൊ​വി​ഡ് ​മ​ര​ണ​പ്പ​ട്ടി​ക​യു​മാ​യി​ ​ബ​ന്ധ​പ്പെ​ട്ട് ​പ​രാ​തി​ക​ളു​ണ്ടെ​ങ്കി​ൽ​ ​പ​രി​ഹ​രി​ക്കു​മെ​ന്ന് ​മ​ന്ത്രി​ ​വീ​ണാ​ ​ജോ​ർ​ജ് ​മാ​ദ്ധ്യ​മ​ങ്ങ​ളോ​ട് ​പ​റ​ഞ്ഞു.​ ​സു​പ്രീം​കോ​ട​തി​ ​വി​ധി​യു​ടെ​ ​അ​ടി​സ്ഥാ​ന​ത്തി​ൽ​ ​കേ​ന്ദ്ര​ ​സ​ർ​ക്കാ​ർ​ ​പു​റ​ത്തി​റ​ക്കി​യ​ ​മാ​ർ​ഗ​നി​ർ​ദേ​ശ​ ​പ്ര​കാ​രം​ ​സം​സ്ഥാ​ന​ ​സ​ർ​ക്കാ​ർ,​ ​കൊ​വി​ഡ് ​മൂ​ലം​ ​മ​രി​ച്ച​വ​രു​ടെ​ ​ബ​ന്ധു​ക്ക​ൾ​ക്ക് ​ധ​ന​സ​ഹാ​യം​ ​ല​ഭ്യ​മാ​ക്കു​ന്ന​തി​ന് ​എ​ല്ലാ​ ​ന​ട​പ​ടി​ക​ളും​ ​സ്വീ​ക​രി​ച്ചു.​ ​കൊ​വി​ഡ് ​ബാ​ധി​ച്ച് 30​ ​ദി​വ​സ​ത്തി​ന​കം​ ​മ​രി​ച്ച​വ​രെ​യെ​ല്ലാം​ ​പ​ട്ടി​ക​യി​ൽ​ ​ഉ​ൾ​പ്പെ​ടു​ത്തും.​ ​സ​മ​യ​ബ​ന്ധി​ത​മാ​യി​ ​സു​താ​ര്യ​മാ​യി​ ​പ​രാ​തി​ക​ൾ​ ​തീ​ർ​പ്പാ​ക്കും.​ ​കൊ​വി​ഡ് ​ബാ​ധി​ച്ച് ​മ​രി​ച്ച​ ​മാ​താ​പി​താ​ക്ക​ളു​ടെ​ ​കു​ട്ടി​ക​ൾ​ക്ക് ​ആ​ദ്യം​ ​ധ​ന​സ​ഹാ​യം​ ​ന​ൽ​കി​യ​ ​സം​സ്ഥാ​ന​മാ​ണ് ​കേ​ര​ളം.​ ​അ​വ​രു​ടെ​ ​വി​ദ്യാ​ഭ്യാ​സം​ ​ഉ​ൾ​പ്പെ​ടെ​യു​ള്ള​ ​കാ​ര്യ​ങ്ങ​ൾ​ ​സ​ർ​ക്കാ​ർ​ ​ഏ​റ്റെ​ടു​ത്തി​ട്ടു​ണ്ട്.​ ​സി​റോ​ ​പ്രി​വി​ല​ൻ​സ് ​സ​ർ​വേ​ ​ഫ​ലം​ ​ഉ​ട​ൻ​ ​പ്ര​ഖ്യാ​പി​ക്കു​മെ​ന്നും​ ​മ​ന്ത്രി​ ​പ​റ​ഞ്ഞു.