തിരുവനന്തപുരം : സംസ്ഥാനത്ത് ഇന്നലെ 9470 പേർ കൂടി രോഗബാധിതരായി. കഴിഞ്ഞ 24 മണിക്കൂറിനിടെ 88,310 സാമ്പിളുകളാണ് പരിശോധിച്ചത്. 10.72 ശതമാനമാണ് ടെസ്റ്ര് പോസിറ്റിവിറ്റി നിരക്ക്. 101 മരണങ്ങളും റിപ്പോർട്ട് ചെയ്തു. ഇന്നലെ രോഗം സ്ഥിരീകരിച്ചവരിൽ 8971പേർ സമ്പർക്കരോഗികളാണ്. 397 പേരുടെ ഉറവിടം വ്യക്തമല്ല.

54പേരാണ് സംസ്ഥാനത്തിന് പുറത്ത് നിന്നും വന്നവർ. 48ആരോഗ്യപ്രവർത്തകരും രോഗബാധിതരായി.

ചികിത്സയിലായിരുന്ന 12,881പേർ രോഗമുക്തി നേടി.

സംസ്ഥാനത്ത് പ്രതിദിന രോഗികളുടെ എണ്ണം കുറയുന്നു. എറണാകുളം 1337, തിരുവനന്തപുരം 1261, തൃശൂർ 930, കോഴിക്കോട് 921, കൊല്ലം 696, മലപ്പുറം 660, പാലക്കാട് 631, കോട്ടയം 569, കണ്ണൂർ 561, ഇടുക്കി 522, പത്തനംതിട്ട 447, ആലപ്പുഴ 432, വയനാട് 318, കാസർകോട് 185 എന്നിങ്ങനേയാണ് ജില്ലകളിലെ സ്ഥിതി.