നെടുമങ്ങാട്: കർഷക സമരം ഒത്തുതീർപ്പാക്കുക, പ്ലസ് വൺ പ്രവേശനത്തിലെ അപാകതകൾ പരിഹരിക്കുക എന്നീ ആവശ്യങ്ങൾ ഉന്നയിച്ച് കെ.എസ്.യു നെടുമങ്ങാട് നിയോജകമണ്ഡലം കമ്മിറ്റിയുടെ ആഭിമുഖ്യത്തിൽ നെടുമങ്ങാട് ടൗണിൽ പന്തം കൊളുത്തി പ്രകടനം നടത്തി. നിയോജകമണ്ഡലം വൈസ് പ്രസിഡന്റ്‌ കരകുളം അശ്വിൻ അദ്ധ്യക്ഷത വഹിച്ചു. യൂത്ത് കോൺഗ്രസ്‌ ജില്ലാ വൈസ് പ്രസിഡന്റ് ഹാഷിം റഷീദ് ഉദ്ഘാടനം ചെയ്തു. കെ.എസ്.യു ജില്ലാ ഉപാദ്ധ്യക്ഷൻ ശരത് ഷൈലേശ്വരൻ മുഖ്യ പ്രഭാഷണം നടത്തി. നിയോജകമണ്ഡലം ജനറൽ സെക്രട്ടറി അഭിജിത് നെടുമങ്ങാട്, ഭാരവാഹികളായ ആദിൽ വേങ്ങോട്, അദ്വൈത് വെള്ളൂർ, വിഷ്ണു നെടുവേലി,​ കെ. എസ്. യു മണ്ഡലം അദ്ധ്യക്ഷന്മാരായ ഉണ്ണിക്കുട്ടൻ നായർ, പി.വി.കൃഷ്ണനുണ്ണി തുടങ്ങിയവർ സംസാരിച്ചു.