കല്ലമ്പലം:കല്ലമ്പലം ജംഗ്ഷനിലെ ഹൈമാസ്റ്റ് ലൈറ്റ് തകരാർ പരിഹരിക്കാത്തത്തിൽ തോട്ടയ്ക്കാട് മണ്ഡലം കോൺഗ്രസിന്റെയും - യൂത്ത് കോൺഗ്രസിന്റെയും നേതൃത്വത്തിൽ ഹൈമാസ്റ്റ് ലൈറ്റിന് ചുവട്ടിൽ ചൂട്ട് കത്തിച്ച് പ്രതിഷേധിച്ചു.ബ്ലോക്ക്‌ കോൺഗ്രസ്‌ കമ്മിറ്റി വൈസ് പ്രസിഡന്റ് മണിലാൽ സഹദേവന്റെ നേതൃത്വത്തിൽ തോട്ടയ്ക്കാട് മണ്ഡലം കോൺഗ്രസ്‌ കമ്മിറ്റി പ്രസിഡന്റ് അഭിലാഷ് ചാങ്ങാട്,യൂത്ത് കോൺഗ്രസ്‌ മണ്ഡലം പ്രസിഡന്റ് മുഹമ്മദ്‌ അജ്മൽ, കെ.ഹരിലാൽ, അനന്ദു ചാത്തമ്പാറ തുടങ്ങിയവർ പങ്കെടുത്തു.ദിവസങ്ങളായി കല്ലമ്പലം ജംഗ്ഷൻ കൂരിരുട്ടിലാണ്. ലൈറ്റിന്റെ തകരാർ പരിഹരിക്കുന്നതിന് അധികൃതരോട് വ്യാപാരികളും, നാട്ടുകാരും നിരന്തരം ആവശ്യപ്പെട്ടിട്ടും പ്രശ്നം പരിഹരിക്കാൻ ഇതുവരെയും തയാറായിട്ടില്ല. ആറ്റിങ്ങൽ ഭാഗത്തേക്ക്‌ പോകുന്നതിനുള്ള ബസ് സ്റ്റോപ്പും ലൈറ്റിന് സമീപത്തായതിനാൽ ബസ് കാത്തിരിപ്പുകാരും ബുദ്ധിമുട്ടിലാണ്.