പൂവാർ: കഴക്കൂട്ടം-കാരോട് ബൈപാസ് കടന്നുപോകുന്ന പുറുത്തിവിളയിൽ മേജർ സിഗ്നൽ ജംഗ്‌ഷൻ വേണമെന്ന് ആവശ്യപ്പെട്ട് എൽ.ഡി.എഫ് നടത്തുന്ന റിലേസമരം 42 ദിവസവും നിരാഹാര സമരം 20 ദിവസവും പിന്നിട്ടു. ഇന്നലെ നടന്ന സമരം ജനതാദൾ (എസ്)​ ജില്ലാ സെക്രട്ടറിയും ആക്ഷൻ കൗൺസിൽ ചെയർമാനുമായ വി. സുധാകരൻ ഉദ്ഘാടനം ചെയ്തു. തിരുപുറം ജയകുമാർ നിരാഹാരം അനുഷ്ഠിച്ചു. എൽ.ഡി.എഫ് കൺവീനർ എച്ച്. സുരേഷ് അദ്ധ്യക്ഷത വഹിച്ചു. എൻ. വിൻസെന്റ്,​ കുട്ടപ്പന രാജേഷ്, തിരുപുറം മോഹൻകുമാർ, പി. സൈമൺ, മോഹനപ്രസാദ്, സൂര്യകാന്ത്, എം.കെ. റിജോഷ്, പഞ്ചായത്ത് അംഗം ശുഭദാസ്, മുൻ പഞ്ചായത്ത് അംഗം ഡി. അനിത, ജി. അജിത്ത്, തോമസ് തുടങ്ങിയവർ സംസാരിച്ചു.