മലയാളത്തിലാദ്യമായി തോൽപാവക്കൂത്ത് കലാകാരന്മാരുടെ ജീവിത കഥ അവതരിപ്പിക്കുന്ന നിഴലാഴത്തിന്റെ ഫസ്റ്റ് ലുക്ക് പോസ്റ്റർ പ്രകാശനം പാലക്കാട് എം.പി വി.കെ. ശ്രീകണ്ഠൻ നിർവ്വഹിച്ചു. ഒറ്റപ്പാലം വ്യാപാരി ഭവനിൽ നടന്ന ചടങ്ങിൽ നിരവധി സിനിമാ പ്രവർത്തകർ പങ്കെടുത്തു.

എസ്.ആർ. ഫിലിംസ്, ആർട്ട് നിയ ഫിലിംസ്, ഇഫ്റ്റ എന്നിവയുടെ സഹകരണത്തോടെ നിർമ്മിക്കുന്ന നിഴലാഴത്തിന്റെ നിർമ്മാണം വിവേക് വിശ്വവും സുരേഷ് രാമന്തളിയുമാണ്. രചനയും സംവിധാനവും: രാഹുൽ രാജ്. കാമറ: അനിൽ കെ.ചാമി, ഗാനരചന: സുരേഷ് രാമന്തളി, സംഗീതം: ഹരി വേണുഗോപാൽ, എഡിറ്റിംഗ്: അംജാദ് ഹസൻ, ആർട്ട്: അനിൽ ആറ്റിങ്ങൽ, പ്രൊഡക്ഷൻ കൺട്രോളർ: ഷാജി ലാൽ ഷിനോസ്, അസോസിയേറ്റ് ഡയറക്ടർ: വിശാഖ് ഗിൽബർട്ട്, പി.ആർ.ഒ: അയ്മനം സാജൻ.

സംസ്ഥാന അവാർഡിൽ, ഭാരതപ്പുഴ എന്ന ചിത്രത്തിലെ അഭിനയത്തിന് പ്രത്യേക ജൂറി പരാമർശം നേടിയ സിജി പ്രദീപ്, ബിലാസ് ചന്ദ്രഹാസൻ ,വിവേക് വിശ്വം, അഖില നാഥ്, പാവക്കൂത്ത് കലാകാരൻ വിശ്വനാഥ് പുലവർ എന്നിവരാണ് ചിത്രത്തിൽ പ്രധാന വേഷങ്ങളിലെത്തുന്നത്. നവംബർ ആദ്യവാരം ഒറ്റപ്പാലത്ത് ചിത്രീകരണം ആരംഭിക്കും.