പാലോട്:കേരളകൗമുദി ബോധപൗർണമി ക്ലബിന്റെ നേതൃത്വത്തിൽ നിംസ് മെഡിസിറ്റിയുടെ സഹകരണത്തോടെ സംഘടിപ്പിക്കുന്ന മെഗാ മെഡിക്കൽ ക്യാമ്പ് 23ന് രാവിലെ 9 മുതൽ നന്ദിയോട് പവത്തൂർ റസിഡന്റ്സ് അസോസിയേഷൻ മന്ദിരത്തിൽ നടക്കും. 9.30ന് ഷിജു പവ്വത്തൂരിന്റെ അദ്ധ്യക്ഷതയിൽ ഗ്രാമപഞ്ചായത്തംഗം വിനീതഷിബു ക്യാമ്പ് ഉദ്ഘാടനം ചെയ്യും. ഡോ.ജിജോ മാർട്ടിൻ, വി.എസ്.ഹണികുമാർ,പത്മാലയം മിനിലാൽ, ഉദയകുമാർ, സേതുനാഥ്, ബിനു ജനമിത്ര, രാഹുൽ തുടങ്ങിയവർ പങ്കെടുക്കും. ജനറൽ മെഡിസിൻ, ഹൃദ്രോഗ വിഭാഗം, നേത്രരോഗ വിഭാഗം, ദന്തരോഗ വിഭാഗം ഡയബറ്റിക് വിഭാഗം എന്നിവയിലെ പ്രഗല്ഭരാണ് ക്യാമ്പിന് നേതൃത്വം നൽകുന്നത്.