തിരുവനന്തപുരം:കേരളകൗമുദിയുടെ ആഭിമുഖ്യത്തിൽ 'ഫയർ ആൻഡ് റെസ്ക്യു 'ബോധവത്കരണ പരിപാടിയുടെ ജില്ലാതല ഉദ്ഘാടനവും സ്നേഹാദരവും മന്ത്രി വി.ശിവൻകുട്ടി നാളെ നിർവഹിക്കും. രാവിലെ 11.30ന് വട്ടിയൂർക്കാവ് സരസ്വതി വിദ്യാലയത്തിലാണ് ചടങ്ങ്. മുഖ്യമന്ത്രിയുടെ 2021ലെ അഗ്നിരക്ഷാസേന സേവന മെഡൽ നേടിയ തിരുവനന്തപുരം റീജിയണലിലുളള ഉദ്യോഗസ്ഥർ,ഫയർ സർവീസ് ദിനാചരണത്തോട് അനുബന്ധിച്ച് ഡയറക്ടർ ജനറലിന്റെ ബാഡ്ജ് ഓഫ് ഓർണർ നേടിയ ഫയർഫോഴ്സ്, സിവിൽ ഡിഫൻസ് വോളന്റിയർമാർ എന്നിവരെ ആദരിക്കും.
ചടങ്ങിൽ ഫയർ ആൻഡ് റെസ്ക്യൂ ഡയറക്ടർ ജനറൽ ഡോ.ബി.സന്ധ്യ മുഖ്യാതിഥി ആയിരിക്കും. വി.കെ.പ്രശാന്ത് എം.എൽ.എ, കേരളകൗമുദി യൂണിറ്റ് ചീഫ് എസ്.വിക്രമൻ,കേരളകൗമുദി ഡെപ്യൂട്ടി ജനറൽ മാനേജർ ചന്ദ്രദത്ത്,ടെക്നിക്കൽ ഡയറക്ടർ എം.നൗഷാദ്, അഡ്മിൻ ഡയറക്ടർ അരുൺ അൽഫോൺസ്, ആർ.എഫ്.ഒ പി. ദിലീപൻ, ഡി.എഫ്.ഒ സുവി.എം.എസ് എന്നിവർ പങ്കെടുക്കും.