തിരുവനന്തപുരം: സിനിമ സഹസംവിധായകൻ കൊല്ലം കിഴക്കേ കല്ലട ആച്ചേരി പുത്തൻവീട്ടിൽ കല്ലട ബാലമുരളി (വി. ബാലകൃഷ്ണൻ ആചാരി- 63) നിര്യാതനായി. മെഡിക്കൽ കോളേജ് ആശുപത്രിയിൽ ഇന്നലെ ഉച്ചയ്ക്ക് 12 ഓടെയായിരുന്നു അന്ത്യം.1975-85ൽ കാഥികനായിരുന്നു. രണ്ട് പതിറ്റാണ്ടിലേറെ സംവിധായകരായ അശോക് ആർ. നാഥ്, അനിൽ മുഖത്തല എന്നിവരുടെ ചീഫ് അസോസിയേറ്റ് ഡയറക്ടർ ആയി പ്രവർത്തിച്ചു. മിഴികൾ സാക്ഷി, വെൺശംഖുപോൽ, മൺസൂൺ തുടങ്ങിയ സിനിമകളുടെ സഹസംവിധായകൻ ആയിരുന്നു. ഇരുപതോളം ടി.വി സീരിയലുകളിലും പ്രവർത്തിച്ചു. രണ്ടാമത്തെ വീട് എന്ന ചിത്രത്തിൽ പ്രധാന വേഷം ചെയ്തു. സ്വന്തമായി സംവിധാനം ചെയ്യാൻ ഒരുങ്ങുന്ന ചിത്രത്തിന്റെ പ്രീ പ്രൊഡക്‌ഷൻ ജോലികൾ നടന്നുവരവെയാണ് ആകസ്മികമായ അന്ത്യം. അവിവാഹിതനാണ്. സംസ്‌കാരം കൊല്ലം കിഴക്കേകല്ലടയിലെ വീട്ടുവളപ്പിൽ നടന്നു.