മുടപുരം :സി.പി.എം പാർട്ടി കോൺഗ്രസിന് മുന്നോടിയായി നടത്തുന്ന സി.പി.എം കിഴുവിലം ലോക്കൽ സമ്മേളനം 27 ,28 തീയതികളിൽ മുടപുരം കൂടത്തിൽ ഗോപിനാഥൻ നഗറിൽ നടക്കും .27ന് വൈകിട്ട് 4.30ന് മുടപുരം ജംഗ്ഷനിലെ പി.പ്രസന്നൻ നഗറിൽ നടക്കുന്ന സാംസ്‌കാരിക സമ്മേളനത്തിൽ പ്രമുഖ സാമൂഹ്യ സാംസ്‌കാരിക സാഹിത്യകാരന്മാർ പങ്കെടുക്കും. 28ന് മുടപുരം ജംഗ്ഷനിലെ കൂടത്തിൽ ഗോപിനാഥൻ നഗറിൽ രാവിലെ 9.30ന് ആരംഭിക്കുന്ന പ്രതിനിധി സമ്മേളനം സി.പി.എം ജില്ലാ സെക്രട്ടേറിയറ്റ് അംഗം എൻ.രതീന്ദ്രൻ ഉദ്‌ഘാടനം ചെയ്യും.മുതിർന്ന പാർട്ടി അംഗങ്ങളെയും ഉന്നത വിജയം നേടിയവരെയും സമ്മേളനത്തിൽ ആദരിക്കും.സി.പി.എം ജില്ലാ സെക്രട്ടേറിയറ്റ് അംഗം ബി.പി.മുരളി,ജില്ലാ സെക്രട്ടേറിയറ്റ് അംഗം ആർ.രാമു,ജില്ലാ കമ്മിറ്റിഅംഗം ആർ.സുഭാഷ്,ജില്ലാ കമ്മിറ്റിഅംഗം ജി.സുഗുണൻ,ഏരിയാ സെക്രട്ടറി അഡ്വ.എസ്.ലെനിൻ,ഏരിയാ സെന്റർ അംഗം ജി.വേണുഗോപാലൻ നായർ,ഏരിയാ കമ്മിറ്റി അംഗങ്ങളായ അഡ്വ.ശൈലജ ബീഗം,എസ്.ചന്ദ്രൻ,എസ്.അനിൽകുമാർ,ലോക്കൽ കമ്മിറ്റി സെക്രട്ടറി ആർ.കെ.ബാബു തുടങ്ങിയവർ പങ്കെടുക്കും.