പാലോട്: കേരളകൗമുദി ബോധപൗർണമി ക്ലബിന്റെ നേതൃത്വത്തിൽ നിംസ് മെഡിസിറ്റിയുടെ സഹകരണത്തോടെ സംഘടിപ്പിക്കുന്ന മെഗാ മെഡിക്കൽ ക്യാമ്പ് ഇന്ന് രാവിലെ 9 മുതൽ നന്ദിയോട് പവ്വത്തൂർ റസിഡന്റ്സ് അസോസിയേഷൻ മന്ദിരത്തിൽ നടക്കും. ഷിജു പവ്വത്തൂരിന്റെ അദ്ധ്യക്ഷതയിൽ ചേരുന്ന യോഗത്തിൽ ഗ്രാമപഞ്ചായത്തംഗം വിനീത ഷിബു ക്യാമ്പ് ഉദ്ഘാടനം ചെയ്യും. ഡോ. ജിജോ മാർട്ടിൻ, വി.എസ്. ഹണികുമാർ, പദ്മാലയം മിനിലാൽ, ഉദയകുമാർ, സേതുനാഥ്, ബിനു ജനമിത്ര, രാഹുൽ തുടങ്ങിയവർ പങ്കെടുക്കും. ജനറൽ മെഡിസിൻ, ഹൃദ്രോഗ വിഭാഗം, നേത്രരോഗ വിഭാഗം, ദന്തരോഗ വിഭാഗം, ഡയബറ്റിക് വിഭാഗം എന്നിവയിലെ പ്രഗത്ഭരാണ് ക്യാമ്പിന് നേതൃത്വം നൽകുന്നത്.