തിരുവനന്തപുരം: പി.എസ്.സി ഇന്ന് (23) നടത്താനിരുന്ന ഒന്നാംഘട്ട ബിരുദതല പ്രാഥമിക പരീക്ഷ മാറ്റിവച്ചു. എന്നാൽ ഒക്‌ടോബർ 30 ന് നിശ്ചയിച്ച ബിരുദതല പ്രാഥമികപരീക്ഷയ്ക്ക് മാറ്റമില്ല.

പുതുക്കിയ പരീക്ഷാതീയതി

21 ന് നടത്താനിരുന്ന അസിസ്റ്റന്റ് എൻജിനിയർ (സിവിൽ) പരീക്ഷകൾ 28 ന് ഉച്ചയ്ക്ക് ശേഷം 2.30 മുതൽ 4.15 മണി വരെ നടത്തും. ഉദ്യോഗാർത്ഥികൾക്ക് നിലവിൽ ലഭ്യമായ അഡ്മിഷൻ ടിക്കറ്റ് ഉപയോഗിക്കാം.

അഭിമുഖം
മെഡിക്കൽ വിദ്യാഭ്യാസ വകുപ്പിൽ അസിസ്റ്റന്റ് പ്രൊഫസർ ഇൻ പീഡിയാട്രിക് സർജറി (രണ്ടാം എൻ.സി.എ -മുസ്ലിം) (കാറ്റഗറി നമ്പർ 160/21) തസ്തികയിലേക്ക് നവംബർ 3 ന് രാവിലെ 10 ന് പി.എസ്.സി ആസ്ഥാന ഓഫീസിൽ അഭിമുഖം നടത്തും. അറിയിപ്പ് ലഭിക്കാത്തവർ ജി.ആർ 1 എ വിഭാഗവുമായി ബന്ധപ്പെടണം.ഫോൺ :0471 2546448 .

സർട്ടിഫിക്കറ്റ് പരിശോധന

കേരള സ്റ്റേറ്റ് ഫെഡറേഷൻ ഒഫ് എസ്.സി/എസ്.ടി ഡെവലപ്‌മെന്റ് കോ-ഓപ്പറേറ്റീവ് ലിമിറ്റഡിൽ ഫാർമസിസ്റ്റ് (ക്വാളിറ്റി കൺട്രോൾ ഇൻസ്‌പെക്ടർ)ജനറൽ (കാറ്റഗറി നമ്പർ 205/2019) തസ്തികയിലേക്ക് നവംബർ 1, 2, 3 തീയതികളിൽ രാവിലെ 10ന് പി.എസ്.സി ആസ്ഥാന ഓഫീസിൽ സർട്ടിഫിക്കറ്റ് പരിശോധന നടത്തും.

കോളേജ് വിദ്യാഭ്യാസ വകുപ്പിൽ അസിസ്റ്റന്റ് പ്രൊഫസർ ഇൻ സംസ്‌കൃതം (ജ്യോതിഷം) (കാറ്റഗറി നമ്പർ 282/2019) തസ്തികയുടെ സർട്ടിഫിക്കറ്റ് പരിശോധന 28 ന് രാവിലെ 10.30 ന് പി.എസ്.സി ആസ്ഥാന ഓഫീസിൽ നടത്തും.