കിളിമാനൂർ: പഴയകുന്നുമ്മേൽ പഞ്ചായത്തിലെ അടയമൺ കേന്ദ്രമാക്കി പുതിയ വില്ലേജ് രൂപീകരിക്കണമെന്ന് സി.പി.എം അടയമൺ ലോക്കൽ സമ്മേളനം പ്രമേയത്തിലൂടെ ആവശ്യപ്പെട്ടു. ആബിദഹുസൈൻ ന​ഗറിൽ നടന്ന സമ്മേളനം ഡി.വൈ.എഫ്.ഐ സംസ്ഥാന സെക്രട്ടറി എ.എ.റഹിം ഉദ്ഘാടനം ചെയ്തു. എ ​ഗണേശൻ, എസ്. സിബി, പ്രിയാ രാജേന്ദ്രൻ എന്നിവരടങ്ങിയ പ്രസീഡിയം സമ്മേളന നടപടികൾ നിയന്ത്രിച്ചു. ജി. രതീഷ് രക്തസാക്ഷി പ്രമേയവും എസ്.സി ബി അനുശോചന പ്രമേയവും ദേവദാസ് അനുസ്മരണ പ്രമേയവും അവതരിപ്പിച്ചു.സി.പി.എം ജില്ലാ സെക്രട്ടറിയറ്റം​ഗം ബി.പി. മുരളി,ജില്ലാകമ്മറ്റിയം​ഗം മടവൂർ അനിൽ, ഏരിയാ സെക്രട്ടറി എസ് .ജയചന്ദ്രൻ ,ഏരിയാകമ്മറ്റിയം​ഗങ്ങളായ എം.ഷാജഹാൻ,ജി.വിജയകുമാർ,കെ.സുഭാഷ്,എം.മൈതീൻകുഞ്ഞ്,കെ.വത്സലകുമാർ,ടി.എൻ. വിജയൻ തുടങ്ങിയവർ സംസാരിച്ചു. കെ.രാജേന്ദ്രൻ സ്വാ​ഗതവും എസ്.പ്രദീപ് കുമാർ നന്ദിയും പറഞ്ഞു. എസ്.പ്രദീപ് കുമാർ സെക്രട്ടറിയായ പതിനഞ്ചം​ഗ കമ്മറ്റിയെ സമ്മേളനം തിരഞ്ഞെടുത്തു.