ബാലരാമപുരം :ബി.ജെ.പി കല്ലിയൂർ പഞ്ചായത്ത് കമ്മിറ്റിയുടെ ആഭിമുഖ്യത്തിൽ സി.പി.എം ദളിത് വേട്ടയ്ക്കെതിരെ പ്രതിഷേധ ജ്വാല സംഘടിപ്പിച്ചു.ബി.ജെ.പി സംസ്ഥാന ജനറൽ സെക്രട്ടറി അഡ്വ. പി.സുധീർ ഉദ്ഘാടനം ചെയ്തു.ബി.ജെ.പി കല്ലിയൂർ ഈസ്റ്റ് ഏരിയ പ്രസിഡന്റ് ജി.സതീശൻ അദ്ധ്യക്ഷത വഹിച്ചു. കോവളം മണ്ഡലം പ്രസിഡന്റ് അഡ്വ.രാജ്മോഹൻ, ഒ.ബി.സി മോർച്ച തിരുവനന്തപുരം ജില്ലാ പ്രസിഡന്റ് പൂങ്കുളം സതീഷ്, ജില്ലാകമ്മിറ്റിയംഗം പി.പത്മകുമാർ, കല്ലിയൂർ ഗ്രാമപഞ്ചായത്ത് പ്രസിഡന്റ് കെ.കെ.ചന്തുകൃഷ്ണ, ബ്ലോക്ക് മെമ്പർമാരായ ജയലക്ഷ്മി, ലതകുമാരി, പാർട്ടി ഭാരവാഹികളായ സമ്പത്ത്, മനോജ്.കെ.നായർ, വിനുകുമാർ, സുമോദ്, ശ്യാംകുമാർ, വിശാഖ് എന്നിവർ സംബന്ധിച്ചു. യോഗത്തിൽ സി.പി.എം, കോൺഗ്രസ് കക്ഷികളിൽ നിന്നും മുപ്പതോളം പേർ അംഗത്വം സ്വീകരിച്ചു. ഇവരെ ബി.ജെ.പി സംസ്ഥാന ജനറൽ സെക്രട്ടറി പി.സുധീർ പൊന്നാട അണിയിച്ച് സ്വീകരിച്ചു.