തിരുവനന്തപുരം: ഭക്ഷ്യ വകുപ്പിനു കീഴിൽ ആലപ്പുഴ ജില്ലയിലെ ചെങ്ങന്നൂർ ചെറിയനാട് പ്രവർത്തിക്കുന്ന എൻ.എഫ്.എസ്.എ ഗോഡൗണിലെ തൊഴിൽ തർക്കം മന്ത്രി വി.ശിവൻകുട്ടി വിളിച്ചു ചേർത്ത യോഗത്തിൽ പരിഹരിച്ചു.യോഗത്തിൽ മന്ത്രിമാരായ.ജി.ആർ.അനിൽ, സജി ചെറിയാൻ, പി.പ്രസാദ് എന്നിവരും പങ്കെടുത്തു. എൻ.എഫ്.എസ്.എ ഗോഡൗണിലെ തൊഴിലാളികൾ അവരുടെ 26എ കാർഡിൽ രേഖപ്പെടുത്തിയിട്ടുള്ള കയറ്റിറക്കു സ്ഥല പരിധിക്കുള്ളിൽ കയറ്റിറക്കു ജോലികൾ ചെയ്യേണ്ടതാണെന്നും റേഷൻ കടകളിൽ വാതിൽപ്പടി വിതരണത്തിനായി പോകുന്ന വാഹനങ്ങളിൽ ഗോഡൗണിലെ കയറ്റിറക്കു തൊഴിലാളികൾ പോകേണ്ടതില്ലെന്നും യോഗം തീരുമാനിച്ചു.തൊഴിലാളികൾക്ക് മതിയായ വേതനം ഉറപ്പുവരുത്താനുള്ള പരിശ്രമങ്ങൾ കരാറുകാരനുമായി ആലോചിച്ച് കൈക്കൊള്ളും.