നേമം: ഇടി​മിന്നലേറ്റ് കെട്ടിടത്തിന്റെ രണ്ടാം നിലയിൽ നിന്ന് വീണ് നിർമ്മാണത്തൊഴിലാളി മരിച്ചു. കാക്കാമൂല തൊങ്ങൽവിള വീട്ടിൽ കുഞ്ഞപ്പി - വാസന്തി ദമ്പതികളുടെ മകൻ വിനീഷ് (25) ആണ് മരിച്ചത്. ഇന്നലെ വൈകിട്ട് 5.45 മണിയോടെയായിരുന്നു അപകടം. താന്നിവിള കസ്തൂർബാ കേന്ദ്രത്തിന് സമീപം മേക്കറകോണത്ത്മേലെ പുതുതായി​ പണികഴി​പ്പി​ക്കുന്ന വീടി​ന്റെ രണ്ടാമത്തെ നിലയിലെ ഷെയ്ഡിന് പുറത്തുനിന്ന് ജനൽ പാളി വയ്ക്കുകയായി​രുന്ന വിനീഷ് ഇടിമിന്നലേറ്റ് തെറിച്ച് താഴേക്ക് വീഴുകയായി​രുന്നു. വീഴ്ചയുടെ ആഘാതത്തിൽ തലയ്ക്ക് ഗുരുതരമായി പരിക്കേറ്റ വിനീഷിനെ തിരുവനന്തപുരം മെഡിക്കൽ കോളേജ് ആശുപത്രി​യി​ൽ കൊണ്ടുപോകുന്ന വഴി​ക്ക് മരണമടഞ്ഞു. മൃതദേഹം മെഡിക്കൽ കോളേജ് ആശുപത്രി​ മോർച്ചറിയിലേക്ക് മാറ്റി. നരുവാമൂട് പൊലീസ് കേസെടുത്തു. സഹോദരിമാർ: കവിത, വിജിത.