കിളിമാനൂർ:സംസ്ഥാന ചലച്ചിത്ര പുരസ്കാരം നേടിയ നാവായിക്കുളം വെട്ടിയറ സ്വദേശി എസ്. നിരഞ്ചനെ മൂതല സാംസ്കാരിക വേദിയുടെ നേത‍ൃത്വത്തിൽ അനുമോദിച്ചു. മൂതല ഗവ: എൽ.പി.എസിൽ വച്ച് സംഘടിപ്പിച്ച ചടങ്ങിൽ മന്ത്രി വി. ശിവൻകുട്ടി നിരഞ്ചന് ഉപഹാരം കൈമാറി. വി .ജോയി എം.എൽ.എ ചടങ്ങിൽ അദ്ധ്യക്ഷത വഹിച്ചു. പള്ളിക്കൽ പഞ്ചായത്ത് പ്രസിഡന്റ് എം.ഹസീന,പഞ്ചായത്തംഗം എസ്.ഷീബ,സി.പി.എം ലോക്കൽ സെക്രട്ടറി സജീബ് ഹാഷിം,ബി.ദിലീപ്,ശ്യാം മൂതല,ബി.കെ മനോജ് എന്നിവരും നിരഞ്ചന് ആശംസ അറിയിച്ചു. മൂതല സാംസ്കാരി വേദി ഏർപ്പെടുത്തിയ പതിനായിരം രൂപയുടെ അവാർഡും ചടങ്ങിൽ മന്ത്രി കൈമാറി.