തിരുവനന്തപുരം:പി.എസ്.സി റാങ്ക് പട്ടികയിലുൾപ്പെട്ടവരും നിയമനം ലഭിക്കാത്തവരുമായ ലൈൻ വർക്കർമാർക്ക് നിയമനം നൽകണമെന്നാവശ്യപ്പെട്ട് കെ.എസ്.ഇ.ബി കരാർ തൊഴിലാളി ഫെഡറേഷൻ (കെ.കെ.ടി.എഫ്) സെക്രട്ടേറിയറ്റിന് മുന്നിൽ ആരംഭിച്ച സത്യഗ്രഹത്തിന്റെ രണ്ടാം ദിവസം സംസ്ഥാന പ്രസിഡന്റ് എൻ.കെ. പ്രേമചന്ദ്രൻ എം.പി ഉദ്ഘാടനം ചെയ്തു. ഓർഗനൈസിംഗ് സെക്രട്ടറി എസ്. അനിൽ കുമാർ,ജനറൽ സെക്രട്ടറി ഇ. അബ്ദുൽ ലത്തീഫ്, ട്രഷറർ പി. മുരളീധരൻ,റെഗുലറൈസ്ഡ് വർക്കേഴ്‌സ് ഫോറം കൺവീനർ എസ്. ഷാജി, സംസ്ഥാന എക്‌സിക്യുട്ടീവ് അംഗം സനൽകുമാർ എന്നിവർ പങ്കെടുത്തു.